Uutzendens 2018Uutzendens 2017Uutzendens 2016Uutzendens 2015ThuusbladContactGrunnegs in het noordenFotoboukLeste Nijs
Uutzendens 2018

 TOEZEBOUDEL   wordt   uutzonden   op   onderstoande    omroupen


Omroupen ook op joen tellefoon of tablet via 
 te ontvangen.    >                                    

                                                                                                                                                                                                         
                                                                                                                                               

                     



Nijste video van Henk Puister  'n Nij pak en n ol boksem'
  


Wanneer je op mien kop klikken, din heur je de herhoalen van dij weke. En dat gait via HarenFm



Hier de herhoalen van dizze weke

Toezeboudel week 22 uutzenden 1533            Periode 27-05-2018  t/m 03-06-2018

Jan, Kees en Eltje in Toezeboudel.

Mit dizze waarme doagen  is t leven even aans as aans. d’ Ain gait n poar doage vot, weer  n
aander gait noar n zummerhuusje, der binnen ook n bulde dij nesteln zok op balkon of in toene.
Ik ben mit  vraauw n weekje mit d' sleurkwinne vot west. Woarom dizze uutleg veur t veurstellen
van t pergram, vroagen ie zok òf,  omreden t pergram dizze raaize zunder gasten is en op de
kamping soamensteld. Wie zitten nait in loondainst en verdainen gain dikke senten nee wie
waarken veur de lokoale  omroup. Mor wie hebben toch weer n vol pergram en n uur woar
ie zok vast wel mit vernuvern zellen. Wie hebben n verhoal van Jan de Jong en  n verhoal van
Kees Visscher. De verhoalen van Jan de Jong en Kees Visscher binnen voaker veurbie
kommen.  Ook hebben wie t woord van Eltje Doddema, dij is nij. Körtom gewoon de muiteweerd 
om te goan luustern.  Prizzentoatsie Gerard Lunshof.    

 


Wie loaten heuren aan meziek:  


Gerry Wolthof – As mie de schounen binnen versleten
Sproakwotter  - Blief toch bie mie
Irene Wilkens en Sikkom Kult  -  De wind poest haard
Vandoage  -  Zummer
Hans van der Lijke  -  Bie heur
Gert Sennema  -  Doe sast altied
Dion Bouwes en Dennis Krotje  -  De wereld in mien kop













Hier de herhoalen van dizze weke

Toezeboudel week 21 uutzenden 1532            Periode 20-05-2018  t/m 27-05-2018

Ida Wieringa en 'Veur de Wind' te gast in Toezeboudel.

Zotterdag 12 maai en Zundag 13 maai was t Nationoale Meulendag. Vazulfm dan ook
even òfraaizen noar de poldermeulen de Goliath op diek bie d'Eemshoaven. Tuurlek
even proaten mit Ida Wierenga zai is meulner van de Goliath. En t gevaal wil dat lu van
'Veur de Wind' Eltje Doddema en Harm Tabak heur laidjes doar opnemen.  Laidjes dij
om de vaar, vief, zes weke uutkommen. Lu dij regelmoateg luustern waiten der meer van.
Vandoar dat wie ook mit baaide heren proat hebben en heur nijste laidje heuren loaten.
Ook hebben wie aan tellefoon Bart Kruizinga en din hebben wie t over t Benefietconcert
'K6 Tegen Kanker' wat holden wordt op 2 juni in 'de Klinker' in Winschoot mit n keur
van artiesten. Meer doarover  
www.k6tegenkanker.nl.
Wieder in t pergram t woord van dij zulfde Eltje Doddema en n verhoal, omreden en
bie luusteroars veur twij weke leden in de smoak veul, van Reinder Willem Hiemstra.
Körtom n reden om weer òf te stemmen op t oldste Grunnegerpergram.

Foto's Ineke Lunshof  - Reitzema
                   
Proaten mit Eltje en Harm                                                   Proaten mit Ida Wieringa

  
Veur de Wind                                                                 Meulen de Goliath

Wie loaten heuren aan meziek:

Jan Henk de Groot  -  Laidje van de Tumbleweeds
Hans van der Lijke  -  Aander kant daip
Törf  -  Wals  Nr 17
2 Körten 2 langen  -  Laang nkander d'haand
Krzysztof Groen  -  Grunneger jong
Veur de Wind  -  Zeker is.
Fries Wolma  -  Zummertied
 




Hier de herhoalen van dizze weke

Toezeboudel week 20 uutzenden 1531            Periode 13-05-2018  t/m 20-05-2018

Hotel Zigterman dizze weke in Toezeboudel

t Theoater spektoakel 'Hotel Zigterman' schreven deur Jan Veldman en regisseerd deur
Albert Secuur speulde òflopen dunderdag 10 maai veur t eerst t stuk 'Hotel Zigterman'.
Zoal zat stampens vol. Wie van Toezeboudel wazzen derbie en hebben vanzulf opnoames 
moakt. We hebben proat mit de schriever van t stuk en de regisseur. t Was n gesloagd optreden
veur de speulers, dij der echt n spektoakelstuk van moakt hebben.  (LINK  Hotel Zigterman)
Ook loaten wie weer veurbie kommen t woord van Eltje Doddema. Dizze raaize t woord 'Zin'.
En leest Henk Puister weer n verhoal veur in 'Vantainnoartaander' 'n Nij pak en n ol boksem'.
Dus lu gewoon luustern. Soamstellen en prizzentoatsie Gerard Lunshof.

 

                                                        


Wie loaten heuren aan meziek:

Dion Bouwes en Dennis Krottje  -  De moat is vol
Krödde  -  Zunneschien
Marlene Bakker  -  Doe waist beter
Martin Korthuis  -  Café  biljart
Bert Hadders   -  Mamme
Alex Vissering  -  Olle  Tjoard

 

 



Hier de herhoalen van dizze weke.

Toezeboudel week 19 uutzenden 1530            Periode 06-05-2018  t/m 13-05-2018

Wil Werkman dizze weke in Toezeboudel

Toezeboudel is òflopen weke òfraisd noar Waarvum. Doar woont Wil Werkman. Zai is
grootregeloar (Coördinator) van de cursussen  Grunneger toal. Zai zörgt der veur dat, 
elk en ain dij zok inschreven het, op t juuste stee terechte komt. Ook het zai, 
soamen
mit Coby Vermeeren-Thedinga vief dictees,
 schreven. Doarom proaten wie mit heur en  loat
zai wel blieken dat t Grunnegs veur heur hail gelangriek is. Wieder in pergram n verhoal
van Reinder Willem Hiemstra ’t Wiekste stee’. En hebben wie t woord van de weke van
Eltje Doddema. Dus lu, gewoon n reden om ook dizze raaize te luustern noar Toezeboudel.
Prizzentoasie Gerard Lunshof.


Wil Werkman

Wie loaten heuren aan meziek

Zuver Scheerwol  -  Maxie Jakker
Irene Wilkens en Sikkom Kult  -  Laangzoam neergoan
Geert Zijlstra  -  Bierkaai
Edwin Jongedijk  -  Genaine wint
Erwin de Vries  -  Woar doe van holst
Wia Buze  -  Waistoe wat
Hans van de Lijke -  Seconden



Hier de herhoalen van dizze weke

Toezeboudel week 18 uutzenden 1529            Periode 29-04-2018  t/m 06-05-2018

Terugge in tied mit Jan Siebo Uffen in Toezeboudel.

Vanweke weer n hail vol pergram. In uut de olle deuze schriever en verteller Jan Siebo Uffen.
n Verhoal ‘Floddermans’ dij in 1992 opnomen is, ooit op n Grunnegeroavend. Dou wazzen der
nog n bulde Grunegeroavends. Nou ook nog, mor toch aans. Wie proaten  Piet Kruizinga en goan
doarmit nog ainmoal noar 'De dag van de Grunnegerde toal'  en hebben t din hou of wie Grunnegs
schrieven mouten. En vanzulfm hebben wie t woord van Eltje Doddema. Dizze raais ’t woord ‘Schier’.
En hebben wie weer n pracht verhoal van Henk Puister in ‘Vantainnoartaander’. Din het e t over
‘Veujoar gedou’. Körtom weer n vol en schier pergram. Techniek en prizzentoasie Gerard Lunshof.



Jan Siebo Uffen  (Foto Webloug)

Meziek 

Fries Wolma - Noakend in de Regen
Roelof van der Velde - Vrijheid
Jan Henk De Groot - Noar stad
Harry Niehof - He Olle
Krödde - Daanzen op de laifde
Arnold Veeman - Mien Lutje laif
Bert Hadders en de nozems - Poolse Bruis
Hans van der Lijke  - Johanna

 



Hier de herhoalen van dizze weke!


Toezeboudel week 17 uutzenden 1528            Periode 22-04-2018  t/m 29-04-2018

Toezeboudel òflopen weke bie DVHN streektoalpries.

Oflopen zundag, 15 april, was Toezeboudel bie de DVHN Streektoalpries. t Speulde zok apmoal oaf in
van Berensteyn in Veendam. In n klaain zoaltje mit zo’n 80 lu was t der bezunder gezelleg. Meziekant
Erik Harveveld en Börgmeester van Emmen en veurzitter van de jury Eric van Oosterhout haren t woord 
om ales aankander te proaten. 6 Lu  wazzen  uutkozen om mit te doun om te strieden veur d'priezen.
Rouke Broersma, Leny Hamminga en Jannie Boerema streden om de priezen Proza en Poëzie. 'De Menalda
Vetes' van Waark regisseur Albert Secuur , Krzysztof Groen en Harm en Roelof om dij van CD,DVD en
Overeg. Dat t nait alleneg de jury t veur t zeggen haar bleek, dat der ook n peblieks pries was. Hou t der
heer ging, gewoon luustern goan. t Was n aibels gezellege mirreg  en elk en ain ging tevreden huuswoards.
Ook is vanzulfm weer n verhoal te heuren dij lezen wordt deur Leny Hamminga, de winnoar uut de riege
van Proza en Poëzie.
En hebben wie t verhoal van Eltje Doddema. Techniek en prizzentoatsie Gerard Lunshof.
 

    
Alber Secuur (Waark) 1e  pries cd/dvd/overig              Leny Hamminga  1e  pries Jury proza/poezie



      
Harm en Roelof  1e pries publiek                                  Krzysztof Groen  2e pries publiek

Wie laten aan meziek heuren:

Krödde  -  Mit train noar noord
2 Körten 2 Langen  -  Kaans is klain
Edwin  Jongedijk  -  Lezzen
Erik Harteveld  -  Zuwwe even daansen
Harm en Roelof  -   Daor stiet je fiets
Krzysztof Groen  -  Noar de volgende ronde
Zuver Scheerwol  -  Vrijhaid
    




Hier de herhoalen van dizze weke!


Toezeboudel week 16 uutzenden 1527            Periode 15-04-2018  t/m 22-04-2018

Toezeboudel bie t uutlangen  K ter Loanpries aan Jan Veldman.

Oflopen weke is toezeboudel  òfraaisd. Woar noar tou, zellen ie vervast denk, noar
de Freulemabörg. Doar wui de K Ter Loanpries uutlangd aan Jan Veldman. Dij man
het zok slim verdainstelk moakt veur t Grunnegs. Nait alleneg in 2017 mor al joaren
is e drok mit t Grunnegs aanloop en het t vanzulfm ook  goud promoot.  Wie loaten
verschaiden proaters  heuren woaronder Nane van der Molen veurzitter ‘Stichten
Grunneger bouk.  Hans Gerritsen, veurzitter t S.O.N.T.  Ook proaten k mit Marlene
Bakker, zai   het n singel uutbrocht ‘Golven’ en mit de Prieswinnoar Jan Veldman.
Ook  hebben wie t woord van Eltje Doddema dat gait over ‘Krom’.  Henk Puister het
n biedroage in ‘Vantainnoartaander’. Uut zien schoulschriften leest e veur  ‘Twij
onbekende laidjes  Martje en Veujoar’. Dus, weer n uur vol Grunnegs.
Techniek en prizzentoatsie Gerard Lunshof.





Wie loaten heuren aan meziek:

Irene Wilkens en sikkom kult  -  Schounedeus
Will Stevens -  Achtentachteg
Marlene Bakker  -  Genog veur mie
Jan Veldman - In  Botterdaip
Marlene Bakker  -  Golven
Jan Veldman  -  Doen in Oskerd.

 






Hier de herhoalen van dizze weke!

Toezeboudel week 15 uutzenden 1526            Periode 08-04-2018  t/m 15-04-2018

Leste dail 'Dag van de Grunneger toal in Toezeboudel'.


Elk en aine dij voaker luusterd wait dat wie n poar weke terugge goan noar  stad.
Vuur de vaarde moal goan wie noar 'De dag van de Grunneger  toal'.  Wie hebben der
mit zoveul lu proat dat t nait apmoal in ain uutzenden kon. In dizze leste uutzenden
proat k mit Reinder Willem Hiemstra en hebben wie t bienoam over zien nije dichtbundel.
Nina Werkman over heuren schrieverij.  Ook heuren ie n verhoal in dichtvörm van heur.
En proat k mit Willem Tjebbe Oosterbeek, din hebben wie t over zien nije dichtbundel. 
t Verhoal in 'Vantainnoartaander' is dizze raaize van Bé Kuipers ook opnomen op de dag.
En vanzulfm weer 't Woord van de weke' van Eltje Doddema.
Techniek en Prizzentoatsie Gerard Lunshof.

  
Reinder Willem Hiemstra            (foto Oader)             Proaten mit Bé Kuipers

Wie loaten heuren aan meziek:

Dion Bouwes en Dennis Krottje  -  De wereld in mien kop
050  -  n Schieredag
Johan Raspe  -  Keroazie
Gert Sennema en Vera Sutman   -  Zundet toom
Törf  -  Dichten
De Troebadoers mit Alex Vissering  -  Noa zwolle wordt t rusteg





Hier de herhoalen van dizze weke!

Toezeboudel week 14 uutzenden 1525            Periode 01-04-2018  t/m 08-04-2018

Vervolg dail drij 'Dag van de Grunneger toal'  in Toezeboudel

Elk en aine dij voaker luusterd wait dat wie n poar weke terugge goan noar  noar stad.
Doar was de dag van de Grunneger toal. Der was ja zoveul te beproaten en te doun. Joe
heuren  nou  t daarde  daail. Wie proaten mit Fieke Gosselaar en Jan Bos. En heuren hou
dij n kander vonden hebben. k Proat mit Louis van Kelckhoven van DvHN.  Joe heuren n
gedaailte van n broescursus van Piet Reitsema. En Lieneke Kok, bouken verkoopster van
stichten Grunneger bouk.  t Verhoal  in ‘Vantainnoartaander’ is dizze raaize van Henk Puister.
Wieder  hebben wie t woord  van Eltje Doddema.  
Techniek en Prizzentoatsie Gerard Lunshof.



  
Proaten mit Fieke Gosselaar                  Proaten mit  Louis van Kelckhoven



 

Wie loaten heuren aan meziek:

Edwin Jongedijk en Marlene Bakker  -  òfschaid
Fries Wolma  -  Zummertied
Glas, Scheele en Lass  - Dien bliede lag
Geert Zijlstra -  wost mit mij
Sproakwotter  -  Vuur
Gert Sennema  -  Blief bij mij
Maas en Folgerts   -  Zummer
Dion Bouwes en Dennis Krottje  -  De moat is vol

 




Hier de herhoalen van dizze weke!

Toezeboudel week 13 uutzenden 1524            Periode 25-03-2018  t/m 01-04-2018

Vervolg ‘Dag van de Grunneger Toal’ in Toezeboudel

In Toezeboudel weke 13 goan wie terugge noar ‘De Dag van de Grunneger toal’ van
17 meert. Der is mit zoveul lu proat en der binnen zoveul opnoames moakt, dat wie
n poar weke veuruut kinnen. Oflopen weke heb k ook zegt dat wie dat doun zellen.
In dizze uutzenden heuren ie t twijde dail van gesprek mit Henk Scholte, proaten wie
mit Nane van der Molen veurzitter van ‘Stichten Grunneger Bouk’ en mit Aaldrik
Hovius over t tenailstuk dij opvoerd wordt deur ‘De Grunnersproak’ t stuk ‘Thuus’
van Hugo Claus, omtoald deur dij zulfe Aaldrik Hovius. Veur koarten kinnen ie
terechte op www.degrunnegersproak.com. Ook hebben wie n verhoal in dichtvörm
in ‘Vantainnoartaander’ deur Hans van der Lijke ’t Gasfebriek’. En Eltje Doddema
mit t woord van de weke. Körtom weer n vol pergram dij t aanheuren weerd is.
Meer waiten:
www.gerardlunshof.nl.  Prizzentoatsie Gerard Lunshof. 

    
www.degrunnegersproak.com              Proaten mit Aaldrik Hovius                         Proaten mit Nane van der Molen


 
Meziek:

Krödde – Bezeerd
Hans van der Lijke - Johanna
Die Tudelband - Ganz Goot
Gert Sennema en Westkantstad  - Altied Weer
Bert Hadders en de Nozems - Save our souls
Klooster en Baumgarten - Grunnegers veur begunners







Hier de herhoalen van dizze weke!

Toezeboudel week 12 uutzenden 1523            Periode 18-03-2018  t/m 25-03-2018

Toezeboudel op bezuik op 'De dag van de Grunneger Toal'.

Zotterdag kinnen ie lu tegenkommen van Toezeboudel. Zai moaken opnoames dij in weke 12
te beluustern binnen in dit pergram. Proaterij en aandere opnoames zellen wel nait in ain
uur uutzonden worden kinnen, vandoar dat er in meerder weken wat terugge te beluustern
is. Wat loaten wie heuren, ales wat veur de mikrofoon kommen wil en wat vertellen wil over
ons pracht Grunneger toal. Dus lu, de muite weerd  om of te stemmen op Toezeboudel.
Ook moaken wie beeld opnoames dij wie joe zain loaten op ons aigen Youtube knoal.
Ook as vast onderdail n verhoal van Henk Puister in 'Vantainnoartaander' en t woord
van Eltje Doddema kommen veurbie. Ook draaien wie vanzulf de schierste laidjes old
en nij. Dus lu veur Grunnegs luustern noar Toezeboudel. Prizzentoatsie Gerard Lunshof. 



Meziek wat wie heuren loaten is dizze raaize n verrassen:






Hier de herhoalen van dizze weke!

Toezeboudel week 11 uutzenden 1522            Periode 11-03-2018  t/m 18-03-2018

 

Schriever Jakob Arbeider te gast in Toezeboudel.

11 Juni 2017,  oflopen zummer, was e ook al n moal te gast in Toezeboudel. Hai komt uut Zuudloaren, het
roem acht joar voaren op de klaainevoart en ainentwinteg joar waarkt op n febriek in Faarmsom.
Bie touval in kontakt kommen mit t Grunnegs. Dat e veur Kreuze, Toal en Taiken en webloug schrieft,
waiten wie apmoal. Dat t nait alleneg Grunneges is dat e bruukt veur zien dieverdoatsie zellen wie nou
ook n moal van zien kaant heuren willen.  Hai het n aigenbedrief  en is regelmoateg te zain bie openlucht
spelen en aandere förm van tejoater. Wat e zoaal dut mit aal zien schrieverij zellen wie nou wel ais echt
van hom waiten willen. Ook leest e n verhoal veur in ‘Vantainnoartander’.  Ook zellen wie joe vertellen wat der
zoaal op zotterdag 17 meert, de dag van de Grunnegertoal, in t huus van de Grunneger toal en cultuur
veurbie kommen. Hier t pergram van dij dag.
Ook zellen wie joe de artietsen heuren loaten dij joe doar zain en heuren kinnen.
En hebben wie t woord van Eltje Doddema. Prizzentoatsie Gerard Lunshof.








Jakob Arbeider  'zaik'


Jan Veldman
Jan Henk de Groot
2 Körten 2 langen
Dion Bouwes en Dennis Krotje
De Tudelband (Duutslaand)
Gert Sennema en Westkantstad
Krzysztof Groen.





Hier de herhoalen van dizze weke!

Toezeboudel week 10 uutzenden 1521            Periode 04-03-2018  t/m 11-03-2018

Tonko Ufkes mit 'Ongeliek' in Toezeboudel.

Vrijdag noamiddag ofraisd noar stad. Doar wui t bouk van Tonko Ufkes prizzenteerd.
n Schier zoaltje, Cascadeplein 4, zat vol mit lu dij neugd wazzen. Zo 60 tot 70 lu hebben
dij middag tussen 16.30 tot 18.00 uur op n genougelijke menaaier de bouk prizzentoatsie
mit moaken kind. Meziek wui verzörgd deur Geert Zijlstra. Ook Piet Buist was neugd, mor griep
haar hom tussen de loakens holden. t Eertse boukje  01 was veur Melle Hielkema en t
boukje 02 veur Peter Riksma. Redacteur uut ‘Zandpol’. t Boukje ‘Ongeliek' mit 20 verhoalen
mout  17.50 euro kosten. Tonko schrieft zulf over de inhold, zuiken soms vienden, liefde en
erotiek, mor ook over wadlopen, kraanvogels en kanaries. De toal is sober en geft zodoende 
roemte an de lezer om t verhoal zulfm in de kleuren. Wie van Toezeboudel hebben opnoames
moakt en dij kinnen joe belustern in weke 10.
Wieder in pergram n verhoal van Henk Puister in ‘Vantainnoartaander’.
En t woord van Eltje Doddema.  Prizzentoatsie Gerard Lunshof.


 
Tonko Ufkes aan proat mit Henk Scholte     

Wie loaten heuren aan meziek:

Koen Jongsma  -  k Heb gain dokter neudeg
Tuutjefloiters  -  Klaaine dingen
Piet Buist en Geert Zijlstra  -  Strunen mit dij
Piet Buist en Geert Zijlstra  -  Bloaren
Marlene Bakker  -  Astoe t zain haarst
Sproakwotter  -  De nacht




Hier de herhoalen van dizze weke!


Toezeboudel week 09 uutzenden 1520            Periode 25-02-2018  t/m 04-03-2018

 
 t Daarde Grunneger laidjesfestival veur daarde moal in Toezeboudel.
 
t Was drok in t Der Aa-theoater. n Volle bak mit 16 dailnemers dij apmoal stuk veur stuk  heur beste
baintje veurzet hebben. Mit aigen teksten en aigen meziek. t Was hoogstoand. Zulfs de Jury, Alje van
Bolhuis, Kira Dekker en Jetta Post, kwamen der nait uut. Daarde pries was veur Dick en Erik Kamphuis.
Twijde pries veur Steven Prins en Manlu verdaainden de eerste pries.  De peplieks pries ging noar de
Poedies.  Oavend duurde tot sikkom tot twaalf uur. n Loatertje dus.  Wie van Toezeboudel hebben opnames
moakt en zenden dizze deze weke uut. Wie proaten mit meziekanten en organistoatsie.  Een verhoal
hebben wie van Dolf Houwing ‘Foto’. En t woord van de weke van Eltje Doddema.












Hier de herhoalen van dizze weke!

Toezeboudel week 08 uutzenden 1519            Periode 18-02-2018  t/m 25-02-2018

Irene Wilkens en Sikkom Kult in Toezeboudel  

Nait vot te denken in t Grunneger meziekwereldje: Irene Wilkens en Sikkom Kult. In
2016 eerste bie t Grunneger laidjesfestival en noa twij joar heur eerste album. Lu haren
zulfs muite om 11 schiere laidjes uut te zuiken dij op heur CD stoan, omreden zai al hail
wat joaren op de planken stoan en in al dij joaren din ook al hail wat laidjes op heur lieste
stoan hebben. Mor, ze binnen der uut kommen. t Is n pracht CD worden mit n oafwisseln
van verschaidenhaid van meziek
soorten. Tien laidjes binnen schreven deur Irene heur
partner Alex Schoenmaker en  aine deur Jan Henk de Groot. Wieder waarkten aan de CD
mit Edwin Jongedijk en Mariane van der Velde.  Wie van Toezeboudel wassen der bie op
zundag 11-02-2018 in van Beresteyn in Veendam en hebben opnoames moakt. Willen ie
dit apmoal  mitkriegen luuster din noar Toezeboudel.
Ook in t pegram t Woord van Eltje Doddema en  Henk Puister mit n verhoal in
‘Vantainnoartaander’.  Prizzentoatsie Gerard Lunshof.





Wie loaten aan meziek heuren:

Sproakwotter  -  Schuddeldouk
Maas en Folgerts  -  Kom eem bie mie zitten op baankje
Martin Korthuis  -  Elke keer alles
Irene Wilkens en Sikkom Kult  -  Zundagskind
Irene Wilkens en Sikkom Kult  -  Schounendeus
Irene Wilkens en Sikkom Kult  -  De wind poest haard
Dion Bouwes en Dennis Krottje  -  De moat os vol

 

 
 Hier de herhoalen van dizze weke.

 Toezeboudel week 07 uutzenden 1518            Periode 11-02-2018  t/m 18-02-2018 

 Jan de Jong en Kees Visscher mit n verhoal dizze weke in Toezeboudel.

 Deur zaikte en drokte, dizze raaize gain gasten in Toezeboudel. Wel vanzulfm de schierste
 en mooiste laidjes dij grunnen riek is. En n poar schiere verhoalen dizze uutzenden. Wie hebben
 op de schappen in  t archief  van Toezeboudel   keken of der  veur dizze weke wat te bruken
 is in dit pegram. En  jawel lu, op de  plaanke van  Jang de Jong hebben wie n schier  verhoal
 vonden. t Verhoal   'Nait Vaileg'.  En op de  plaanke van  Kees Visscher  hebben wie t verhoal
 'n Dagje uut' vonden. n Laank verhoal, mor n verhoal dij van t begun tot t ende joe bezeg holdt.  
 Eltje het weer t woord van de weke. Dizze raaize t woord 'Kommen'. Dus lu, in n tied van zaikte
 en drokte n vol schier pergram.  Gewoon luustern.


 Wie loaten aan meziek heuren:

 Irene Wilkens en Sikkom Kult  -  Nog ainmoal daanzen mit die
 Edwin Jongedijk en Marlene Bakker  -  Ofschaaid 
 Hans van der Lijke  -  Nait op verdocht
 Marlene Bakker  -  Doe waist beter
 Krödde  -  t Gliedt van mie of
 Roelof van der Velde  -  t Zulfde laid  

 Sproakwotter  -  SOA
 



Hier de herhoalen van dizze weke.

Toezeboudel week 06 uutzenden 1517            Periode 04-01-2018  t/m 11-02-2018

Jan Bos mit 'Tiggeljong' dizze weke in Toezeboudel.

Jan Bos, 80 joar, (dichter/schriever in Hooglaandsters. Hai nuimt zok zulm din
ook n echte Hooglaandster. Zo trad e mit zien gedichten op bie de 'Dichtclub'
in café Marleen bie de dichters in de Prinsentoene en was e òflopen 26-01-2018  
bie t pergram van de 40ste bieainkomst van Poëzie Veendam. Dat e veur zukse 
dieverdoatsie  nog tied het mout wel blieken omreden e drok aanloop is mit n bouk. 
Aigelieks n geschiedenis bouk mit n verhoal.   ‘Tiggeljong   t verhaal van Yp, de 
steenfabrieksarbeider' kreeg de noam van t bouk mit. t Is n verhoal over socioale 
aarmoude, waark en huusvesten in de tied tussen 1860-1890. t  Bouk wordt 
uutgeven deur Jan Bos in soamenwaarken mit NoordProof uut Beem (Bedum).
Kinst dit bouk ook bie veurintaiken bestellen via    
https://noordproof.nl/tiggeljong/  
Kinst hom din via de bestelbon bestellen of n mailtje noar: bestellen@noordproof.nl
Wie willen doar meer van waiten, doarom hebben wie hom nuigd in Toezeboudel.
Ook hebben wie in t pegram Eltje Doddema mit t woord van de weke en het 
Henk Puister weer twij petten op. Henk levert weern verhoal aan in 
‘Vantainnoartaander’ en is e weer aanschoever. Körtom n reden om te luustern.
Prizzentoatsie Gerard Lunshof.

 

  
Omslag bouk                                                  Henk Puister, Jan Bos en Gerard Lunshof

Wie loaten aan meziek heuren:

Edwin Jongedijk  -  Lezzen
Alfred Venema (Marcel Hensema) en Pé en Rienus  - Het Gronings Koningslied
Egbert Meijers  -  Nooit vergeet ik
Ede Staal  - Het Hoogelaand
Johan Raspe - Keroazie
Wia Buze  -  Aindagsvlinder

 



Hier de herhoalen van dizze weke.
 
Toezeboudel week 05 uutzenden 1516            Periode 28-01-2018  t/m 04-02-2018 

Grunnegerverainen 'De Molleboon' uut Zwolle dizze weke in Toezeboudel

Dat t wat minder goud gait mit de Grunnegerverainens in ons laand bliekt wel lu, omreden
de Grunnegerverainen in Apeldoorn  stopt 
is en dij uut Utrecht ook stoppen gait. Mor
noast de verainens uut Ede, Meppel en Nunspeet is Zwolle nog n bluiende verainen mit
plm. 120 leden.  Wie van Toezeboudel hebben ais even proat mit Jan Scheper (veurzitter).
Dij nait alleneg veurzitter is, mor ook n goie proater. Dij verainen is nog laank nait dood.
Mit heur 120 leden en nog steeds wat aanwas, een bluiende verainen zoas k al zee.
Webstee van 'de Molleboon', want zo hait de verainen is:
www.molleboonzwolle.nl  
Wieder in t pergram een verhoal in 'Vantainnoartaander' van Reinder Willem Hiemstra
mit 'Maltrakteren'.  En het verhoal van de weke van Eltje Doddema.
Prizzentoatsie Gerard Lunshof.



    
Jan Scheper            Foto moakt deur Vraauw Scheper                                           foto's  95 joareg bestoan

Wie loaten aan meziek heuren:  

Martin Korthuis en Eddo Pol  -  Roup mie
Vandoage mit Roelof van de Velde  -  n Poar seconden
Törf  -  Veerten
Alex Vissering  -  Olle Tjoard
Jan Henk de Groot  -  Weerom
Krzysztof Groen  -  Noar de volgende ronde
Dion Bouwes en Dennis Krotje  -  Duuster





Hier de uutzenden dizze weke. 

Toezeboudel week 04 uutzenden 1515        Periode 21-01-2018 t/m 28-01-2018

  
Tenailverainen Con-Amore dizze weke in Toezeboudel.

De tenailverainen  Con-Amore, wat stait veur ‘Mit Laifde’, is ontstoan uut leden van mandolineclub KES op
12 november 1957. Heur eerste stuk dat speuld wui was ‘Wacht u voor de hond’ op 22 februoarie in t
Parkhotel Sapmeer.  Dizze raaize speulen lu ’Een drokke tied schreven deur Herman van der A. Wie proaten
mit Jan Kremer. Zai   speulen  10  en  17  feberwoarie in hotel  Faber op t Hogezaand en 17 meert in
‘De Molenberg’ Delfziel.  Webstee:
Con-Amore
Wieder besteden wie aandacht aan de Grunneger schriefwedstried. Inschrieven kin tot  15 feberwoarie.
Webstee: 
Schriefwedstried.

Ook hebben wie t woord van de weke van Eltje Doddema en het Henk Puister weer n verhoal in
‘Vantainnoartaander’.  Prizzentoatsie Gerard Lunshof.




 
                             
  Con-Amore                                                                                Jan Kremer 
 
Wie loaten aan meziek heuren:

Hans van der Lijke  -  Laid van de Eems
Piet Buist en Geert Zijlstra  -  Loop mor deur
Rieks Folgerts  -  Plaasderij
Dion Bouwes en Dennis Krotje  -  De moat is vol
Irene Wilkens en Sikkom Kult  -  Nog ainmoal daanzen mit die  (nij)
Fries Wolma  -   Noakend in de regen








Hier de uutzenden dizze weke. 

 

Toezeboudel week 03 uutzenden 1514            Periode 14-01-2018  t/m 21-01-2018 

Theoaterploug Waark dizze weke in Toezeboudel.


Wie hebben t bienoam over de veurstellen 'De Menalda Vetes'. ‘De Menalda Vetes’  van
theoaterploug WAARK is òflaaid van n verhoal zoas opgetaikend in de Kronieken van 
t klooster Bloemhof, in de 13de-aiw, deur abt Emo.
Jan Veldman schreef veur dizze veurstellen n humorvolle tekst en spellaider Albert
Secuur koos  n theoatervörm dij t maist liekt op n  heurspel voor t pebliek, woarbie
geluud en meziek n belaangrieke rol speuld. De speulers wisseln aal tussen heur
rol as heurspelspeuler en dij van n persoon uut t middelaiwse verhoal, wat hail wat
humorvol spel oplevert.
 Arend Lommert en Nico van der Wijk schoeven aan en kommen
der over proaten. Webstee waark: 
www.waark.nl
Ook komt Eltje Doddema veurbie mit t woord van de weke en hebben wie Dolf Houwing
mit n verhoal in 'Vantainnoartaander'. 


  


 

Wie loaten heuren aan meziek:

Maas en Folgerts  -  Ainzoameroker   
Krzysztof Groen  -  Bist dichtbie
Andre Brals  -  Brulofsfeest
Zuver Scheerwol  -  Koeskillen
Sproakwotter  -  Koeperlaand
Veur de Wind  -  Voader


  

Hier de uutzenden dizze weke.   

 

Toezeboudel week 02 uutzenden 1513            Periode  07-01-2018  t/m 14-01-2018 

Schriever Bé Kuipers dizze weke in Toezeboudel.

Bé Kuiper begon in de tachteger  joaren in zien mouderstoal te proaten en te schrieven.
Vanòf d’ negenteger joaren stoan zien verhoalen regemoateg in Grunnegertiedschriften. 
In 1998 schreef e t joarliekse begunstegersbouk ‘Ofzain en inlevern veur de begunstegers van
stichten t Grunnegerbouk. Ook het e les had van Siemon Reker en mag e cursussen Grunnegs
geven. Mor zien veurkeur gait uut noar t schrieven. Ook leest e regelmoateg verhoalen veur.
En nou is  zien twijde begunstegersbouk uutkommen 'Gekmanswaark'.
Ook hebben wie t verhoal van de weke van Eltje Doddema.
En het Henk Puister weer twij petten op omreden e n verhoal of gedicht in 'Vantainnoartaander'
en is e net as altied ook weer 'Aanschoever'.   
Prizzentoatsie en regie Gerard Lunshof. 




  
Bé Kuipers                     

Wie loaten heuren aan meziek:

Gert Sennema en Westkantstad  -  Kostverloren
Daniel Lohues  -  Volle Moane
Krödde  -  Daanzen op de laifde
Bert Hadders  -  Poolse bruid
Harry Niehof  -  Nait allain
K2  -  Niks boven Grunnen


 



Hier de uutzenden dizze weke.   


 

Toezeboudel week 01 uutzenden 1512            Periode 31-12-2017  t/m 07-01-2018 

Toezeboudel dizze weke in t taiken van de joarwisseln

Wie zitten, mit wat vaste lu, gezelleg in studio 231. Elk van dij lu het vervast wel wat 
mitmoakt dit joar.  Doar goan wie t over hebben wie draaien gezellege meziek dij 
vervast wel mit old en nij vandoun het. Nuigt binnen Henk Puister (nij bouk), Tineke 
Boersema, Krzysztof Groen (nije CD).  Jan de Jong (nij bouk) haren wie der geern bie 
had, mor haar aander dieverdoatsie. Henk leest t verhoal 'Oldjoarsoavend mit Hendirk 
en  Jantje' veur. En Gerard Lunshof leest t verhoal van Jan de Jong 'Old en Nij' veur.
En vanzulfm t woord van de weke mit Eltje Doddema.




Wie loaten heuren aan meziek:

Fries Wolma  -  n Joar is zo veurbie.
Vandoage  -  Old en Nij
Martin Korthuis  -  Cafe biljart
Hans van der Lijke  - Tango op de bloaren
Burdy  -  Gelukkig Nijjoar
Tuutjefloiters  -  Veul zegen
 


Uutzendens 2018Uutzendens 2017Uutzendens 2016Uutzendens 2015ThuusbladContactGrunnegs in het noordenFotoboukLeste Nijs