Uutzendens 2018Uutzendens 2017Uutzendens 2016Uutzendens 2015ThuusbladContactGrunnegs in het noordenFotoboukLeste Nijs
Uutzendens 2015

 

Naar uitzendingen van 2016  




In Toezeboudel van 27 december 1407.

n Verhoal van Dolf Houwing in SnipSnapSnoaren.  t Verhoal mit de noam, hou
kin  t ook aans, “Midwinter”!
En k proat mit Bob Heidema. Wie hebben   t din over de nije CD van
de Stroatklinkers. De Stroatklinkers bestoan dit joar 25 joar en  hebben vandoar
n CD uitbrocht mit de welluudende noam “25 Jaar”. Wie proaten der over en
loaten verschaaiden nummers van dizze nije CD heuren. Techniek Ben van der Loan.
Prizzentoatsie Gerard Lunshof.
Willen ie n CD bestellen 
www.stroatklinkers.nl 




We draaien in dit programma:

Tineke Rouw  -  Geuren van dizze moand
Vandoage  -  Old en Nij
Eltje Doddema  -  d’Ogen van n kind
Stroatklinkers  -  As vaaier woorden
Stroatklinkers  -  Zunder die
Stroatklinkers  -  Johnny Cash Medley
Hans van der Lijke  -  Tied kin nait aans
Krödde  -  Daanzen op de laifde 


         



Zondag 20 december in Toezeboudel 1406

Twij schrievers en twij kerstverhoalen. Jan de Jong mit "Kerstfeest".
En Henk Puister mit "n Vraauw in toeze". Nait zomor n kerstverhoalen
mor haile bezunder en schiere verhoalen. Gain standoard verhoalen.
En wie hebben vanzulfm weer de schierste strektoallaidjes.
Dizze raaize vanzulfm n riege schiere streektoal kerstlaidjes.
Gewoon goan luustern.
Prizzentoatsie Henk Puister en Gerard Lunshof. 

Veurbie k
ommen o.a.
De Borrelband  - Kerst mit snij
Fries Wolma - Kerstbluesnacht
Hans ven der Lijke  -  Engeltje
Chris Ridenberg  -  Laifmeneer
Harry Niehof  -  Swaarde leegte
Swinder  - Kerstmis in stad
Titie Veen  -  Mit kerst en old en nij






Zondag 13 december in Toezeboudel 1405

n Verhoal van Jan de Jong “Scharrelderij” in SnipSnapSnoaren.
En ben k oafreisd noar  stad en wel noar  t Der Aa-Theater. 
k Heb proat mit Ankie Bours, zai is van de Grunnegersproak. 
Wie hebben  t  had over d' winter/jaarwisseln pergrammeren.
En wat zok zoaal oafspeult in t ainege echte streektoal theoater
dij Grunnen riek het. Meer waiten, luustern!
Prizzentoatsie Gerard Lunshof.

 

Gerard in gesprek mit Ankie Bours
Veur informoatsie en opgoave noar  

We draaien:

Snikhait - Stuutsiekoorn
Rieks Folgerts en Margret - Proaten tegen mie aan
Marieke Klooster - Grunnegers veur begunners
Marcel Hensema - Geef mie die angst
Gerry Wolthof - As mie de schounen binnen versleten
Jan Henk de Groot - Weerom





Zundag 6  December in Toezeboudel  1404

Twij schrievers en ain tenailspeuler. Wie hebben as schrievers Henk Puister en Tineke Boersema.
B
aaide binnen zai regelmoateg gast. Zai schrieven  baaide veur Toal en Taiken  en schreven veur
t verdwenen tiedschrift Krödde. Dus gain onbekenden. En  van de  tenailverainen Con Amore
proaten wie mit Jan Kremer. Speult de schierste rollen binnen de verainen. Dit joar het e gain
rol, mor dut e n moal ekstroa  haand en spandainsten. Dit joar hebben zai heur aigen uutvoeren op
Zotterdag 6 februoarie en Zotterdag 13 februoarie in Hotel Faber.Op  19 meert speulen lu in de
Molenberg in Delfzijl. Webstee:  
www.toneelverenigingconamore.nl
Meer waiten, gewoon luustern.  Prizzentoatsie Gerard Lunshof. 


Gerard in gesprek met Jan Kremer.


Wie draaien:

Henk Drenth  -  de Tied
De Kösters  -  As lucht
Hans van der Lijke  -  Ik docht vandoag
Irene Wilkens  -  As Julio gait zingen
Rieks Folgerts  -  t Café
Harry Niehof  -  Zeg mie woar binst doe

 





Zundag 29 november in Toezeboudel  4003

 

Wie binnen mit pergram bie t oetlangen van t eerste exemploar van
t 42ste begunstegersbouk " Ain van Boeskool" Schreven deur Jan de Jong.
De feestelke prizzentoatsie vond ploats op zotterdag 28 november
in van Beresteyn te Veendam. t Pergram bestait uut opening Emme Groot
veurzitter Stichten Grunneger Bouk. Inlaaiden Jan de Jong. t Eerste
exemploar aan Coby Vermeeren.
Henk Scholte vertelt over J.H.Neuteboom en leest n verhoal veur.
Wie proaten mit veschaiden lu dij nuigd binnen en loaten doar
fragmenten van heuren.  Ook loaten wie vanzulfm de schierste streektoal
laidjes veurbie kommen.
In Snipsnapsnoaren, hou kin t ook aans, Jan de Jong mit n verhoal. 
Hai is zundag ook nuigd in de studio en proaten mit hom.
Prizzentoatsie Gerard Lunshof


Willen ie t bouk kopen:
Stichting t Grunneger Bouk is vestegd in t Grunneger Cultuurcentrum,
Stationsstroat 11/b, 9679 EA Scheemde, telefoon/fax (0597) 591135.


  
Bouk van Jan de Jong (begunstegers bouk)       Henk Scholte-Henk Puister-Coby Vermeeren-Jan de Jong 

Wie draaien:

Krödde   -   Daanzen op de laifde
Zuver scheerwol  -  Koeskillen
Hans van der Lijke  -  Sekonden
The Askay Brothers  -  Babieboom
Marlene Bakker  -  Heufd as helm
Harry Niehof  -  Uur van de Wènst

    


Zundag 22 november in Toezeboudel  4002

In Snipsnapsnoaren n verhoal van Henk Puister t verhoal hait ´Slabberdewapskie´.
En we goan noar oaflopen zundag. Dou waren wie bie t uutlangen van de CD Box
“Dagbouk van n troubadour” van Hans van der Lijke. t Was n aibels gezellege
mirreg in Nijwol. Doar wui noamelk  zien CD prizzentaaierd.   Onder belangstellen van
170 minsen woaronder n bulde promenenten  hebben wie proat mit, Engbert Gruben
old mitwaarker RTV Noord, Hans van der Lijke zulfm, Bert Ridderbos meziekant
en opnoames van de CD, Vita van der Lijke dochter van Hans en ontwaarper CD Box,
Free 
Westerhoff schriever en  Henk Scholten prizzentator RTV Noord.
CD bestellen? Dat kin op
www.hansvanderlijke.nl
Wie loaten joe nog ain  moal dij mirreg mitmoaken. Luustern dus.
Prizzentoatsie Gerard Lunshof. Meer waiten Luustern
 
Wie draaien:

Bart en Evert Kruizinga  -  Niks boven Grunnen
Sproakwotter  -  Sukerbaiten kloas
Zuver Scheerwol  -  Pien in mien haart
Drij nummer van de CD Box
Bert Hadders en zien nozems  -  Poolse bruid



  Klaaine opnoame van de mirreg.  t Laidje "Haile wereld is kunst".

 

 


 

Zundag 15 november in Toezeboudel  4001

n Verhoal van Jan de Jong in “SnipSnapSnoaren”.
En wie proaten mit de lu van “Zuverscheerwol”.
Zai prizzenteern vraidag 13 november, bie Evelientje, heur eerste
CD “Doalders”.
De noam “Zuverscheerwol” bestait uut Sijtse Scheeringa en
Fries Wolma. Soamen mit Wally van der Reijd en Erik Kuipers
is de band soamensteld. Dus luustern. Meer waiten, zundag oafstemmen
op Toezeboudel.  Of kiek op
www.zuverscheerwol.nl
Prizzentoatsie Gerard Lunshof.


Eertse CD Zuverscheerwol  "DOALDERS"


          



Zundag 08 november  in Toezeboudel 1400

 

Henk Puister mit weer n nij vertelster in SnipSnapSnoaren.
En in het koader van t Werkmanjoar 2015 brengt Theoatergroep Waark ‘Ik goa noar Tahiti’. 
n Veurstellen over de vrezelke leste dagen van de Grunneger kunstenoar, drukker en
dichter Hendrik Nicolaas Werkman. Zeuventeg joar leden, drij doage veur de bevraiden
van Grunnen, wui Werkman, soamen mit negen aandern, bie Bakkeveen dood schoten deur
de Duutsers. In maai begonnen, nou zes moand aanloop. Wie vroagen aan de regisseur
Ben Smit en omtoaler Jan Glas hou t eerste 6 moanden goan is. 
Zotterdag 21 november in Hotel Faber op t Hoogezand.
Prizzentoatsie Gerard Lunshof.


 Webstee WAARK  HIER

Later meer.



Zundag 01 november  in Toezeboudel 1399


Weer n hail vol pergram. Mit in SnipSnapSnoaren n verhoal van
Tineke Boersema. Zai dracht veur  t verhoal"Haarm".
Ook de lu van "Sproakwotter" kommen  aan. Zai bestoan uut Harry van Boven en
Martin Blok. t Is nait alleneg meziek wat zai mitnemen mor ook nog  aans wat.
Ook hebben we  t nog even over de nije CD Box van Hans van der Lijke mit de
noam "Dagbouk van n Troubadour"dij afgelopen weke hier veur t eerst t
levenslicht zain het. 
En we goan ook nog aan de "mous" mit Snikhait en wieder de schierste streektoal laidjes van t
Grunegerlaand kommen voorbie. Dus luusteroars oafstemmen op Toezeboudel.  
 Presentatie Gerard Lunshof.       Webstee Sproakwotter hier

 

Sproakwotter.






Zundag 25 oktober  in Toezeboudel    1398

n Nij vertelster uut de serie: Moeke en Mulder in SnipSnapSnoaren
deur Henk Puister.
En as gast hebben wie Hans van der Lijke.
In 2013 winnoar van de Knelus ter Laan streektoalpries.  Dou bie
t uutlangen, in 2014, zee e dat der n cd box mit vaar cd’s uutkommen
zel. n CD-Box mit vaar spaigelploatjes. 1 Tied kin nait aans. 2 Hemelvoart.
3 aan de wandel mit de Heer. 4 Vin Saint Amour 1977.
Nou is t zowied, op 15 november zel de box prizzentaaierd worden
in Nijwol (Nieuwwolda) om 13.30 uur. Wie van Toezeboudel zellen doar
vervast biewezen, mor zundag goan wie der over proaten en loaten wie
alvast wat heuren. Prizzentoatsie Gerard Lunshof.  


 n Juwaailtje, de CD  Dagbouk van n Troubadour.


Webstee: hansvanderlijke.nl



Zundag 18 oktober 1397

Weer n hail schier verhoal van Jan de Jong in SnipSnapSnoar "Winteropslag".

En wie proaten mit Marieke Klooster (bekend van o.a. Vrouw Holland).
Nou moakt ze mit Baumgarten De Nieuwe Jas van Ede is t nije theoaterconcert
van de Grunneger formoatsie Klooster & Baumgarten. t Is n pergram mit laidjes van
Ede Staal, ‘moar din aans’. Klooster & Baumgarten wordt vörmd deur Marieke
Klooster (zang), Philip Baumgarten (orkestlaaider, bas en arrangementen),
Leonieke Vermeer (pioano) en Matthias van Olst (drums).
 
Bie Klooster & Baumgarten kommen veschaaien werelden bienkander.
Marieke Klooster is onder meer zangeres, actrice en cabaretière en Philip
Baumgarten is n veulziedeg bassist en holdt hom bezeg
mit zowel jazz- as volksmeziek (bekend van o.a. t Philip Baumgarten Trio  en Pot,
Baumgarten & Friends).
 
Klooster en Baumgarten hebben de meziek van Ede Staal in n nij, fris jasje stoken
woarbie zai heur hebben loaten inspireren deur veschaaien populaire meziekstielen.
t Resultoat is verrassend: n sums jazzy en  swingend, din weer intogen concert
woarbie t authentieke karakter van de laidjes in t ìnd blift. De laidjes blieven veur
elkenain tougankelk: herkenboar, melodieus en veuraal verstoanbaar.  t Concert is
ook n ode aan Ede Staal: t is ien 2016 30 joar leden dat dizze populaire streektoalzanger
en tekstdichter oet tied kwam.  
Webstee De nije jas van Ede
Prizzentoatsie Gerard Lunshof.    


Het Hoogeland Klooster en Baumgarten 


 
Henk, Rieks en Marieke


Zundag 11 oktober 1396

 
Zundag weer n hail vol pergram. Toezeboudel zel bestoan uut n verhoal
van Henk Puister in SnipSnapSnoaren.
Wie proaten mit lu van t “Der Aa-theater”. t Huus van de Grunnegersproak.
Wie proaten mit Aaldrik Hovius veurzitter en Ankie Bours, doezendpoot van 
t theoater. Ook proaten wie mit Rosa Veldman van t theoaterstuk
“uut de Hoogte”. Schreven deur Jan Veldman en Frank den Holander.
Elke moand, vanoaf oktober tot april n oaflevern. En proaten wie mit
Alex Vissering, Jan Henk de Groot en Edwin Jongedijk “De Troebadoers”
over heur nije CD en t theoater seizoen. En Henk Krol, fan van t eerste uur,
loaten wie ook aan t woord. Willen ie meer waiten, gewoon luustern goan.
Of kiek even op  www.toezeboudel.info  Prizzentoatsie Gerard Lunshof.

 Link der Aa-theater  Hier


 

Uut de Hoogte





Zundag 4 oktober 1395

In SnipSnapSnoaren, noa n lange tied en n lange zaikte, binnen wie
bliede dat e der weer is mit n verhoal Jan de Jong.
En komen langs Margret Maas en Rieks Folgers. Zai binnen al n
zetje aanloop mit n CD. De tekstschrievers schoeven ook aan en wel
Henk Puister en Dick Kamphuis. Doar goan we t over hebben en wie
loaten liekoet liek aan wat van heur nije waark heuren.
Dus, de muite weerd te goan lustern.
Prizzentoatsie Gerard Lunshof.

   
 Foto's Heidi Jonker   Webstee Margret: www.margretmaas.nl                      Jan de Jong



t Was weer aibels gezelleg bie Toezeboudel.
Mit Henk, Dick, Rieks, Margret en Jan. 

 Kiek veur meer foto's zie hier.

 








Zundag 27 september 1394

 

In Snipsnapsnoaren weer n nij schreven verhoal van Henk Puister.
En wie hebben n reportage van d’ streektoal dag dij organisaaierd
is deur “Bogdike”, wat betaikend Veendam op 26-9-2015.  Wie proaten mit  
schriever/dichters en mezikanten. Dat vanzulfm apmoal  in t Grunnegs.
Körtom weer n vol uur. Ook draaien wie weer de schierste streektoal laidjes.
Gewoon luustern zundag.    Meer waiten ga noar: 
www.toezeboudel.info.
Of goa noar 
www.bogdike.nl

Prizzentoatsie  Gerard Lunshof        Voor foto,s   HIER











Zundag 20 september 1393

In dizze uutzenden hebben wie twij schrievers nuigd. Mit baaide proaten
wie en van baaide loaten wie waark heuren. Veur joe gain onbekenden noamelk
Cor Uildriks en Tineke Boersema.
Wanneer ze Bogdike zeggen in Veendam,din zeggen ze vot Bé Wever.    Goa noar:  www.bogdike.nl
Zotterdag 26 september wordt der weer n Grunneger dag organiseerd
met schrievers en meziekanten. Dit in leegstoande panden in d’ binnenstad
van Veendam. Doar willen wie meer van waiten. Luustern dus zundag tussen
10.00 uur en 11.00 uur. Of kiek op
www.toezeboudel.info
Prizzentoatsie Gerard Lunshof. 



Wie draaien:

Swinder  -  Twijde Jans
Mangel Blues band  -  Blouddruk

Bert Hadders  -  Lola
Gerry Wolthof  -  As mie de schounen binnen versleten

Marcel Hensema  -  Geef mie dien angst
Snikhait  -  Stuutsiekoorn

 



Zundag 13 september 1392 

In SnipSnapSnoaren n nij schreven verhoal van Henk Puister
aine uut de serie "Mit pa weerom noar vrouger" .
En binnen  wie afraisd noar Jill Wildenga of mouten wie
zeggen Hillie Wildeveld. Heur noam is Hillie Wildeveld - Tuizenga,
moar zai schrieft ook onder de noam Jill Wildenga. Zai het
al 13 bouken uutgeven woarvan ain in t Grunnegs.
Schrieft veur Kreuze en stuurd regelmoatig n verhoal in veur
n schriefwedstried. En het al menneg pries wonnen.
Doarom  n reden om te luustern. Prizzentoatsie Gerard Lunshof 



Hillie Wildeveld- Tuizenga   foto HS krant

We draaien:

Hans van der Lijke - Wadwerderweg
Sproakwotter - Sukkerbaiten Kloas
Age van der Velde - Opa zien harmonika
Askay Brothers - Naargens beter as thoes
Bob Heidema - Schepen zunder zaail
Jan Klönne - Suzooien
Wia Buze - Mag ik din bie die




Zundag 6 september 1391 


In Toezeboudel SnipSnapSnoaren mit n verhoal van Jan de Jong.
Harm Tabak schoeft aan en vertelt over zien nije singel dij e uut
geven het en wie draaien hom vanzulfm. Meschain loat e meer heuren.
Iesbrand Spiekstroa komt ook en het n vertelster over t Ziggo virus.
En wie hebben vanzulfm weer de schierste laidjes.

Prizzentoatsie Gerard Lunshof.
 
  

Jan de Jong                                                        Harm Tabak
                                                                            mit Leutje jong in soundcloud

Harm en Gerard.


Wie draaien.

Rien van Boven  -  Woarom
Bob Heidema  -  Gas
Boetenbaaitjes  -  Raaiger
Harm Tabak  -  Leutje Jong  (nij)
Edwin Jongedijk - As k de kaans zol kriegen
Glas, Scheele en Lass  -  Laiverd kom weer bie mie   
 




Zundag 30 augustus 1390


SnipSnapSnoaren mit n nij vertelster van Henk Puister.
t Hait "Van feestbouk noar n ansichtkoartje".
En wie loaten n verhoal van Kees Visscher heuren, ooit
op n kovviemörgen of Grunnegeroavend veurdroagen. Gain verhoal uut
"Zo dag en deur". Dit verhoal wui veurdroagen veur n volle
zoal en hait "n Grunneger is altied nummer ain!"
En wat er zoal aan bezunders veurbie komt. Gewoon luustern.
Prizzentoatsie Gerard Lunshof

 

Wie draaien.
Krödde  -  Bezeerd
Hans van der lijke  -  onder t asvalt
Harry Niehof  -  Vekaansie in Grunnen
Roberto Tan en Erwin de Vries  -  De Schok
Swinder  -  Zundagmörgen
Jan Henk de Groot  -  Weerom

 

 





Zundag 23 augustus 1389

In Toezeboudel binnen wie oafraisd noar Faarmsom. En wel noar de verainen  
Dörpsbelangen en Volksvermoaken Faarmsom. Doar is vanales te doun. n Maarkt,
Braderie, en olle auto,s. En der binnen verschaiden Grunneger artiesten Tekielja,
Wia Buze en Ol houd.  Nina treed ook op mor of zai Grunnegs zingt? En wie hebben
n verhoal in SnipSnapSnoaren van Jan de Jong . t Verhoal hait “Gemaaintewaarker”.
En dit apmoal rondom de meulen de Borgshof. Dus lu, gewoon lustern goan.
Prizzentoatsie Gerard Lunshof.
 

 Veur foto,s  klik hier
Wie draaien:

Bert Hadders -  As Julio gait zingen
Harry Niehof - Tied genog
Swinder - Twijde Hans
Wia Buze - Mag ik din bie die  (nij)
Ol Houd - Wichter oet Grunnen
Tekielja - Leg dien heufd mor op mien scholder
Sproakwotter en Selma - Snoetjeknovveln

 



Zundag 16 augustus 1388

Stoan wie stil bie t overlieden van Greetje Marquering – Teuben.  

Greetje is op 22 juli 2015 uuttied kommen. Zai is 81 joar worden.
Heur pseudoniem was Emma Marte. Doaronder het ze net as mit
heur aigen noam hailveul veur de Grunnegertoal doan. Zai schreef
zowel in t Grunnegs as in t Nederlands. Heur bekenste waark is
wel de vertoalen  “Schroaper en Maaier”, 1989/1990, n vertoalen
in t Grunnegs  van “A Christmas Carol” van Charles Dickens.
Zai schreef veur verschaiden bloaden en tiedschriften. En binnen
ie vervast wel ais n verhoal en of n gedicht van heur tegen kommen.
Ook was zai joaren laank bestuurslid van Stichten Grunnegerbouk.
Greetje Marquering – Teuben n vraauw woar wie zundag n hail uur
aan besteden goan.

In SnipSnapSnoaren het Henk Puister n verhoal schreven over
Greetje Marquering.  
Meer waiten over heur:
www.toezeboudel.info  
Prizzentoatsie Gerard Lunshof. 






Vekaansie periode, ook gewoon uutzenden.




Zundag 12 juli in Toezeboudel  1383

In Snipsnapsnoaren weer n nij verhoal van Henk Puister en wel n nij, kört
luchteg verhoal: "Rosa". Hij gait in op de reaksies op zien verhoal.
En proaten wie mit Bob Heidema. Wie hebben t din over zien nije CD "Allain".
Nou het e dizze CD nait allain moakt lu, mor der hebben veschaiden bekende
meziekanten aan mitwaakt. Wél, gewoon luustern goan. Din waiten joe ales van
dizze CD. Ook loaten wie wat laidjes heuren.  Prizzentoasie  Gerard Lunshof.



Bob Heidema "allain" bestellen:  E-mail. decibel@hetnet.nl

Wie draaien:

Agnes Woltjer, Fransien Kuiper en Alie Henses  -  Op de kletter
Roelof van Der Velde  -  Vriendin
Agnes Woltjer  -  Veur die
Hans van der Lijke -  Blief doe mor bie mie doe
En wie draaien wat nummer van de nij CD Allain"





Zundag 5 juli in Toezeboudel  1382

In SnipSnapSnoaren n verhoal schreven en verteld deur Jan de Jong.
t Verhoal hait "Even fietern".
En wie proaten mit Peter Dijkhuis ain van de organisoatsie van Art Carnivale.
Omreden t gait weer lös aan t Schildmeer. t Spektoakel wordt al veur de
zeuvende moal organisaaierd. Onder de noam Art Carnivale worden dit joar
n aantal schier ogende, mit nkander soamenhangende, kunstzinnege festeviteiten
prizzentaaierd. Der binnen dizze zummer mor laifst drij bezundere doagen woarin
kunst, cultuur en vermoak de boventoon voeren. Link: Art Carnivale
Prizzentoatsie Gerard Lunshof.


 

Wie draaien:
Vandoage  -  Zummer
Krödde  -  Zunneschien
Bert Hadders  -  Vanoavend blifst bie mie
Erwin de Vries  -  De tocht van de noakende zunderling
Ol Houd  -  Waist t wel waist t nait
Harrie Niehof  -  Uur van de wénst





Zundag 28 juni in Toezeboudel  1381

In Snipsnapsnoaren, Henk Puister mit weer n nij schreven verhoal.
t Verhoal hait: "Heur rok van vlammend zummerrood." Woar gait dat hen!
Wie proaten mit Jan Henk de Groot. Din hebben wie t over zien nijste
laidje "Janine".  Woarom en woarveur, willen wie waiten?
En wie hebben n pracht verhoal van Jan J Boer. Jan J boer is op
14 februoarie 2011 uuttied kommen mor het n bulde pracht gedichten
en verhoalen noaloaten.  Doar heuren joe aine van "Kneles Knienekop".
 
 
Wie draaien:

Irene Wilkens  -  Nooi allain
Swinder  -  Vekaanzie
Rieks Folgerts  -  Tot ik die zag
Jan Henk de Groot  -  Janine
Jan Glas, Lass en Scheele  -  Kom weer bie mie
Hans van der Lijke  -  Tied kin nait aans





Zundag 21 juni in Toezeboudel  1380

In SnipSnapSnoaren n verhoal van Jan de Jong. t Verhoal komt uut t boukje
"Kwoajongens" en t verhoal vizzen.
En wie hebben nuigd, schriever, verteller Nane van der Molen. Hai schrift veur
Toal en Taiken, Dideldom en t Digitoale tiedschrift Kreuze. Veureg joar is der
n verhoalen en gedichten bundel uutgeven "Katjewinst op t Hoogelaand" dij
e soamen mit Willy Westerdijk moakt het. En veur n zetje terrogge de bundel
"Gaanzen gakken en kikkers kwakken". En wat e nog zoaal uutgeven het 

vroagen wie hom zundag in Toezeboudel. Prizzentoatsie Gerard Lunshof.


 
Nane van der Molen  

Wie draaien:

Sproakwotter  -  Soa
Harry Niehof  -  Ver van Hoes
Ede Staal  -  Mien Hoogelaand
Hans van der Lijke  -  Wadwerderweg
Törf  -  n Man en Veur mien leujong  uut 1981
Edwin  Jongedijk  -  Altied en aiweg

 



Zundag 14 juni in Toezeboudel  1379.

In Snipsnapsnoaren hebben wie Henk Puister mit weer n hail schier verhoal
uut de serie mit pa weerom noar vrouger”.
En wie hebben t over t tenailstuk Dizzepie-Dizzepu. t Tenailstuk is honderd
joar leden schreven deur Geert Teis. t Stuk wordt op zotterdag 20 juni om
20.00 uur in t Grunnegs aimmoaleg opvoerd in t Geert Teis teoather.
De uurvoeren is in soamenwaarken mit Tenailverainen Udi, Tago en t Centrum,
aanvuld mit wat gastspeulers. Annelies Hopman en Ernst Paul Faber schoeven aan en wie proaten mit heur.
Prizzentoatsie Gerard Lunshof

      
Geert Teis                         Foto Dizzepie-Dizzepu                  Henk, Ernst Paul, Annelies en Gerard



Wie draaien:
Swinder  -  Zalstoe altied bie mie blieven
Gerry Wolthof  -  As mie de schounen binnen versleten
Alex Vissering  -  Henderk Pothof
Snikhait  -  Hol der nou ais mit op
Henk, Bert en Linde Nijland  -  De knoalster lorelei
Krödde  -  Rousteg hoes





Zundag 07 juni in Toezeboudel  1378

In Snipsnapsnoaren een nij schreven verhoal van Tineke Boersema.
Wieder n bulde meziek in t pergram, Harm Tabak, n echte Grunneger, nij
in t Grunnegs brengt zien eerste singel cd oet. Dij komt e aanlangen.
En wie hebben de mezieksploug Ol'houd. Vief ras echte Grunnegers dij meziek
moaken veur heur plezaaier en hebben doar n bulde sukses mit.
Meer waiten, gewoon lustern.
Prizzentoatsie Gerard Lunshof

  

Ol Houd                                                                           Harm Tabak

  
Uutlangen CD Harm Tabak "Dat Kin".                        Ol Houd mit n geweldeg optreden.
Bekiek hier omder.

 






Zundag 31 maai in Toezeboudel  1377

In Snipsnapsnoaren n nij schreven verhoal, schreven en vertelt deur Henk Puister "Bronno en zien baaltjes.
As gast hebben wie Eltje Doddema. Zolang ik mie heugen kin is e al mit Grunnegs aanloop.
In 2002 kreeg e van stichten Grunnegerbouk de K ter Loan Pries. Meneer is vandoag de dag
mit zoveul dingen aanloop dat t neudeg tied wordt hom weer n moal te nuigen en ais weer n
moal bie te proaten. Woar e zoaal mit aanloop is? Gewoon lustern goan!
Zien webstee www.eltjedoddema.nl
 

 

 



Wie draaien:
Toosst en Sproakwotter  -  Moak die nait te drok t komt wel goud
Harm Tabak - Luitje jong
Monika Vegt  -  Goa doe nou mor gaauw
En vanzulfm verschaaiden laidjes van
Eltje Doddema woar onder - n Allerleste dans



Henk Puister, Gerard Lunshof en Eltje Doddema






Zundag 24 maai in Toezeboudel  1376

Uutzenden is n poardoage eerder opnomen

In Snipsnapsnoaren n verhoal schreven en vertelt deur Jan de Jong "Dood en is der nog aal". 
En in de twijde helfte n verhoal van Jan Siebo Uffen. t Verhoal is opnomen op n koffiemörgen
in 1993 in Winsum t verhoal hait "Floddermans".
Wieder draaien wie weer de schierste laidjes. Gewoon goan lustern!

  

In gesprek mit Jan Siebo Uffen bie Dag van de Grunnegertoal       Jan de Jong bie opnoames in de studio Komnij

Wie draaien:

Törf - Oavend
Krödde - Bezeerd
Arnold Veeman - Nait meer
Hans van der Lijke - Tied kin nait meer
Martin Korthuis - As vaaier woorden
Harry Niehof - Lije zummer

 



Zundag 17 maai in Toezeboudel  1375

In Snipsnapsnoaren n verhoal schreven en vertelt deur Tineke Boersema
Wie proaten mit Roelof van der Velde, drok alloop mit meziek en laidteksten. Hai
het vervast nij materioal bie zok. Meer waiten din even hier kieken
Ook proaten wie mit Bert Hadders, din hebben wie t over Iemandsland. n Meziekoale
theoaterveurstellen specioal moakt veur de Veenkolonien. Meer waiten gewoon luuster
goan of kiek op www.iemandsland.com

      
Roelof Van der Velde                    In gesprek mit Bert Hadders               Poster Iemandsland




Uutlangen CD van Roelof van der Velde (Vriendin) soamen mit Tineke Boersema (Schriefster)




Zundag 10 maai in Toezeboudel  1374

In Snipsnapsnoaren n verhoal van Henk Puister uut de riege “Mit pa weerom noar vrouger”.
En wie hebben nuigd Cor Uildriks uut Hogezaand-Sapmeer. Hai schrift al joaren in t Grunnegs.
Hai schrift veur Kreuze, Klunderloa en Dideldom. Dus, gain onbekende op t gebied van t Grunnegs.
Ook het e n bouk schreven over zien affeer (waark). Mor din in t Nederlands. De noam van t bouk
“Huisartsen-chauffeur met een knipoog”. Wie proaten mit hom en Uildriks leest ook waark van hom
zulfm veur. Dus lu, genog om t goan luustern!
.


Cor Uildriks.


 




Zundag 3 maai in Toezeboudel  1373

 

In Snipsnapsnoaren n nij schreven verhoal, schreven en verteld deur Jan de Jong.
En wie proaten mit Jan Willem Roelof Sleumer. Hai is schriever en bemuit zok mit t
J.H. Neuteboomprojekt. Dit joar is t 150 joar leden dat meester/schriever
J.H. Neuteboom geboren wui. Sleumer vertelt ons ales over dit project.
Meester schrijver J.H. Neuteboom stait op webstee, klik hier.
Ook zel de heer Sleumer n verhoal veurdroagen. 
En komen Ben Zuur en Henk Puister (meziek) heur nije singel toulichten.
Dus lu, n reden om te luustern!


                  
J.W.R.Sleumer foto Krödde        J.H.Neuteboom                  

CD Prizzentoatise  "Gas Blues" mit Henk P, Ben Zuur, Gerard L en Henk Puister (meziek)



Wie draaien:

Harry Niehof - Ver van Hoes
Erwin de Vries - Ik ben de man
Alex Vissering - Westerwolle
Eltje Doddema - Grunnen
Ben Zuur en Henk Puister (m) - Gas Blues
Tekielja - FC Grunnen
As wie t aantied hebben Hans van der Lijke - Wadwerderweg     




Zundag 26 april in Toezeboudel  1372

In Snipsnapsnoaren n nij schreven verhoal, schreven en verteld deur Henk Puister.
Doarnoast komen langes Harry van Boven en Martin Blok van de meziekploug
Sproakwotter. Lu van Sproakwotter moaken meziek mit n troan en n laag.

We proaten mit heur en zai speulen liek oet liek aan in t pergram.
Dus lu, weer n hail vol en gezelleg pergram. De muite weerd om te luustern.
Prizzentoatsie Gerard Lunshof.  Facebouk  Sproakwotter  www.sproakwotter.nl 
Tellefoonnummer Sproakwotter: 06-12702363 






Zundag 19 april in Toezeboudel 1371


In Snipsnapsnoaren n nij  verhoal van Jan de Jong.
En High Temperature (Snikhait) t is  n jazz-bluesband uut  t Oldambt dij in 1998 begon. 
De band speult joaren '50 meziek mit n bulde blues en boogy-woogy. De teksten binnen
in  t Engels mor van doag de dag veural in t Grunnegs. 
Harbert (Herbie) Grezel geboren in Winschoten, 24 augustus 1965 is zanger en mondörgel speuler.
Hai komt zundag langes en din hebben wie  t over de nije CD “Mous”. Dus lu, luustern.
Prizzentoatsie Gerard Lunshof.  

   
Harbert (herbie) Grezel            Hoes CD



Wie draaien:
 
Roelof Stalknecht en Jannie Stalknecht  -  Laiverd kom weer bie mie
Fiebeldekwinten  -  Kamperen
Kösters Vrouger -  vrouger

Vanzulfm veschaiden nummer van de nije CD van Snikhait "Mous" woaronder Laiverd

 

 




Zundag 12 april in Toezeboudel 1370

 

In SnipSnapSnoaren Henk Puister mit n verhoal uut de serie ”Mit poa weerom noar vrouger”.
En wie binnen oflopen dinsdag oafraaisd noar stad. Doar woont Bert Wijnholds. Hai het de
spierzaikte (Duchenne). Bert zit al vanoaf zien elfde joar in n inveliedekaar.  Mor het n haile schiere
dieverdoatsie vonden as tekstredakteur veur t digitoale Grunnegertiedschrift Kreuze. 
www.kreuzekeuze.nl.
Hai het as levens motto:  As t nait kin zoas t mout, mout t zoas t kin. Zien aigen webstee is
www.gefokust.nl .
Dus lu t muite weerd om t luustern.  Prizzentoatsie Gerard Lunshof.


Bert Wijnholds


Wie draaien:

Edwin Jongedijk  -  Mien Dörp
Swinder  -  Zundagmörgen
Askay Brothers  -  Naargens beter as thoes
Erwin de Vries  -  Leef t leven
Hans van der Lijke  -  As is as
Krödde  -  Bezeerd




Zundag 5 april in Toezeboudel 1369

In SnipSnapSnoaren n nij verhoal schreven en verteld deur Jan de Jong.
En wie proaten mit Bé Wever en Gerry Wolthof, baaide uut Veendam.
Bé is al vanoaf de joaren '70 actief veur de Veendammer samenleving.
Gerry moakt al vanoaf 1979 meziek en speulde en speult in veschaiden
bands. Hai wordt ook wel de dutch Neil Young nuimt. t Was en is altied Engels,
mor nou gait e ook in t Grunnegs, mit "As Mie De Schounen Binnen Versleten".
Dus lu, weer genogd te beproaten. Prizzentoatsie Gerard Lunshof.

      
Bé Wever   site Bogdike HIER          Gerry Wolthof   zien site  HIER             CD Hoes







Zundag 29 meert in Toezeboudel 136
8

In SnipSnapSnoaren n nij schreven verhoal deur Henk Puister.

Wie stellen joe veur aan Harm Tabak. Hai is aanloop mit Grunnegerlaidjes.
Wie proaten mit hom en loaten liekuut wat laidjes heuren.
Ook schenken wie aandacht aan t benefietconcert dat holden wordt veur
t opknappen van de kerke van Kolham. Wie proaten mit Albert Weemstra,
Stella Feenstra en Harmannus Groenhoff. Dis lu, gewoon luustern.
Zundag tussen 10.00 uur en 11.00 uur.   

         

Harm Tabak                                                Kerkje Kolham 








Zundag 22 meert in Toezeboudel 136
7.


Opnoames worden moakt op de dag van de Grunnegertoal. 21 meert in stad.
De dag vindt ploats in d'meertmoand Dialectmoand en is in soamenwaarken
mit "Het Huis van de Groninger Cultuur",  "het RHC Groninger Archieven",
Biblionet Groningen", Bureau Groninger Taal" en "Cultuur (RUG)"
en Stichten "t Grunneger Bouk". t Vindt joarlieks ploats tiedens de
Meertmoand Dialectmoand in t gebaauw van "de Groninger Archieven".
Tiedens de Dag kennen bezuikers kennesmoaken mit n veelziedeghaid en
tounemende  bekendhaid van de Grunnegertoal (onnerwies, tenail,                      Foto's   HIER
meziek, cabaret, literatuur, media etc.).
                                                                                                                              


Opnoames Het huis van de Groninger Cultuur 2015

 



Zundag 15 meert in Toezeboudel 1366.

Veur twij weken  leden haren wie hom ook al nuigd, mor deur n vergizzen
het e verstek loaten goan. Wie hebben t din over Henri Wierth. d’ Man achter
Nansie Koakelhenne . Ook is e n ras verteller en dragt din ook menneg verhoal
veur. Wie proaten mit Henri en ook leest e  n verhoal veur in SnipSnapSnoaren. 
Ook draaien wie weer de schierste streektoallaidjes.
Genogt om of te stemmen op Toezeboudel. Prizzentoatsie Gerard Lunshof.  


Henri Wierth 




Zundag 8 Meert in Toezeboudel 1365.

In SnipSnapSnoaren n verhoal schreven en vertelt
deur Henk Puister.
We goan zotterdag 7 meert noar de instore bie Evelyn Novacek doar
speult Swinder. 
Dit omreden zai doar heur nije CD promoten goan.
Wie proaten mit heur en loaten laidjes van heur nije CD heuren.
In de studio komen Rients Faber en Bart Corporaal en din hebben wie
t over de meziekploug Krödde. 
Krödde bestait uut Rients Faber (zang), Bart Corporaal (piano en zang,
Jorgen Middel (gitaar), Arjan Schepenaar (bas) en Rob Vergo (drum) 
Pizzentoatsie Gerard Lunshof. 
Weer genogt om te belustern.

   
   Webstee   Krödde                     Webstee   Swinder                                     Henk Puister en Gerard Lunshof                                      Ingesprek met Bastiaan en Bas van Swinder 




Wie draaien o.a.

Hans van der Lijke  -  Doarom zing ik

Swinder - Vief veur elf
Swinder - Nij
Krödde  -  Prayer in G

Krödde  -  Bezeerd 






Zundag 1 Meert in Toezeboudel 1364.

In SnipSnapSnoaren n verhoal schreven en vertelt 
deur Jan de Jong.

En komt Nuver langes. Nuver bestait uut Alex Moorlog 
(Ol Pekel) en Sander Loer (Blijham). Baaide binnen al n haile 
zet mit  meziek anloop en hebben besloten om soamen te waarken. 
Ze bestoan nog mor net, mor binnen al goud aanloop. 
Ale laidjes worden deur baaide zulfm schreven en uutvoerd.
Prizzentoatsie Gerard Lunshof.


    
Nuver                                                                                Jan de Jong

Wie draaien

Erwin de Vries  -  Wachten op de lente
De  Kösters  -  As Lucht
Marlene Bakker  -  Heufd as helm
Nuver  -  Bertus  (Live)
Nuver  -  Bie de woatertoren (Live)
Nuver  -  Kaauwgomballen  (Live)





Zundag 22 Februoarie in Toezeboudel 1363.

In SnipSnapSnoaren Henk Puister mit n nij schreven verhoal.
En proaten wie mit Henri Wierth. n Ras verteller, schriever. Wait
n bulde van wat zok in t schrievers wereltje oafspeult. Doar goan wie 
t mit hom over hebben en hai het vast zulfm ook wel weer n schier
verhoal mitnomen. Genogd om over te proaten.
Prizzentoatsie Gerard Lunshof. 

Wie Draaien:

Harry Niehof  -  Twaalf Boomkes
Wia Buze  -  Blief bie mie tot in de mörgen
Hans van der Lijke  -  Onder t asvalt
Swinder - Vief veur elf 
Bert Hadders  -  As Julio gait zingen
Alex Vissering  -  Lutje wicht.


 

 


                                         



Zundag 15 Februoarie in Toezeboudel 1362

 In SnipSnapSnoaren Jan de Jong mit n verhoal. 
Wie draaien t nije laidje van 
Irene Wilkens
Wieder proaten wie mit 
Riemke Bakker en Ben Smit 
en hebben wie t over de Streektoalpies 2014 van tDagblad 
van t Noorden 
en de produktie van t oflopen joar “De nije man”
De Streektoalpries wordt uutlangd in twij groepen: bouken en cd/dvd. 
Noast 
Harry Niehof en Bert Hadders en de Nozems mit heur 
nijste CD, is 
Waark d’ainege nomineerde mit n dvd in de leste groep. 
En hebben wie t over heur nije produktie 
“Ik goa noar Tahiti”
Weer genogt te beproaten. Prizzentoatsie 
Gerard Lunshof.
Meer waiten:
 www.toezeboudel.info

     
   www.waark.nl                                     Nooit allain 



Zundag 8 Februoarie in Toezeboudel 1361
 

In SnipSnapSnoaren n nij schreven verhoal, veur Toezeboudel, 
schreven en verteld deur 
Henk Puister. Ook proaten wie mit Ien 
Oostindie, zai is ain van de mitwaarkers van theater te water.  Op  
Vrijdag 20 en Zotterdag 21 februoarie speulen zai “De Grote Schok”. 
n Veurstellen over gewone lu dij speult tegen t gewone decor van 
d’eerdbeven.  Wieder n column van Henri Wierth dij e schrift veur 
Toal en Taiken. En weer de schierste streektoallaidjes . 
Gewoon goan lustern. Zundag bie Radio Compagnie (Komnij) om 10.00 uur. 
En Zotterdag 14 Februoarie bie Radio Havenstad FM. 
Prizzentoatsie Gerard Lunshof.

Wie draaien:
Krödde  -  Bezeerd
Roberto Tan & Erwin de Vries  -  De Schok
Rien van Boven  -  Woarom
Daniel Lohues  -  Prachtig mooie dag
Martin Korthuis  -  Ziel
Bert Hadders en de Nozems  -  Al Julio gait zingen
Harry Niehof  -  Tied genog 


 

    www.theatertewater.nl   

 


 

Zundag 1 Februoarie in Toezeboudel 1360       
In SnipSnapSnoaren een biedroage van Hans van der Lijke. 
Hans het n verhoal schreven dat e zulfm mit laidjes ondersteund. 
Wieder proaten wie mit Jan Glas. schiever, dichter, de man achter 
t tiedschrift Krödde waarkt bie t Huus van de Grunneger Cultuur 
en is drok aanloop mit Webloug, webstee veur de Grunneger en 
het veur n joar of wat leden n CD moakt Diezeg Laand. Wie pakken 
dizze uutzenden twij dingen bie de kop Webloug en Diezeg Laand. 
En wat veurbie komt. Wieder vanzulf de schierste laidjes in de streektoal.  
Lustern dus, zundag bie Komnij 1 Febr. 10.00 uur. 
O
p HavenstadFM Zotterdag 7 Febr. 9.00 uur.
Prizzentoatsie Gerard Lunshof

Wie Draaien:

The Askay Brothers  -  Naargens beter as thoes
Glas, Scheele en Lass  -  Laiverd kom weer bie mie
Glas, Scheele en Lass  -  Diezeg Laand 
Swinder  -  Vief veur elf
Jan Henk de Groot  -  Janneke
Krodde  -  Sloten Bouk



  
           Jan Glas                                                                                                              Hans Van der Lijke

 
 



 


Zundag 25 jannewoarie in Toezeboudel  1359

In SnipSnapSnoaren n nij schreven verhoal van Henk Puister.
En wie binnen vanweke oafraisd noar stad. Doar speulde Marcel 
Hensema Mien Twijde/Mijn Tweede. In Mijn Tweede speelt Marcel
een bonte riege aan kleurieke lu baseerd op kostboare, woare
verhoalen uut d'ommelanden. Deur d'ogen van Hensema komen
zai, dizze helden op d'vaarkaande meter, in Mijn Tweede tot leven.
Dus lu, gewoon lustern. Prizzentoasie Gerard Lunshof.


Webstee  Marcel Hensema  HIER



Gerard in gesprek met Marcel Hensema


 

 


Zundag 18 jannewoarie in Toezeboudel  1358

In SnipSnapSnoaren n hail old verhoal van Jan Siebo Uffen. 
"n Grunneger is altied nummer ain". Ooit n moal veudroagen
op n kovviemörgen bie de stichten Kostverloren in Winzzum in1992. 
n Pracht verhoal woar n bulde oplagen worden kin. 
En wie hebben de meziekploug Vollek. Bestoande uut Freddie van der
Beek, Jaap van der Beek en Theo Platje. We proaten mit heur en ze 
goan liekoet speulen. 

Wie draaien:
Johan Raspe - Takken in de Wind
Hans van der Lijke - As is As
Vollek - Veschaiden laidjes  
Krödde - Daansen in de regen.

  

De meziek ploug Vollek   www.vollek.nl 




Zundag 11  jannewoarie in Toezeboudel   1357

Tineke Boersema en Henk Puister, soamen goud veur elk n schier
verhoal in SnipSnapSnoaren. Nij is "OP BEZUIK". In 2015 gait Gerard
regelmoateg aan bie dij lu dij mit d'Grunnegertoal aanloop binnen.
Dizze weke de Tenailverainen "De Eendagsvliegen" uut Foxhol. 
Prizzentoatsie Gerard Lunshof. 

Wie draaien:

Arnold Veeman  -  Aarf dit laidje van mie.
Rieks Folgers  -  Jan mit de pet  
Sasja Velt  -  De Blues 
Troebadoers  -  Riekdom 
Edwin Jongedijk  -  Altied en Aiweg 
Törf  -  Deunen en dreumen

  Veur informoatsie  Hier



 

Zundag 04  jannewoarie in Toezeboudel   1356

Om t joar rusteg te begunnen twij verhoalen en schiere laidjes.
Elk en ain het t drok, t eerste weekend van t joar. Twij verhoalen 
uut d’olle deuze. Kees Visscher mit “n Grunneger is altied nummer 
ain” opnoames binnen moakt in 1991.
En Jan Siebo Uffen mit “Kwaalm”. Ooit opnomen in theater de 
Molenberg in Delfzijl op het Mollebone Festival in 1996. 
Prizzentoatsie Gerard Lunshof. Luustern dus.

Wie draaien:
Vandoage   mit  Old en Nij
Erwin de Vries  mit  Ende veurbie
Martin Korthuis  mit  Olle laifde
Boetenbaaintjes  mit  Raaiger
Hans van der Lijke   mit  Wadwerderweg
Jan henk de Groot  mit  Aaltied zo

 

Jan Siebo Uffen

 

Uutzendens 2018Uutzendens 2017Uutzendens 2016Uutzendens 2015ThuusbladContactGrunnegs in het noordenFotoboukLeste Nijs