Uutzendens 2014

 

    

                              

 

Zundag 28 december in Toezeboudel   1355

Veur SnipSnapSnoaren komt Henk Puister langes. Hai het weer n nij
verhoal schreven veur Toezeboudel. t Verhoal gait over Kerst en Old en nij.
Ook schoeft aan Chris  Kiel. Chris het dit joar t begunstegersbouk schreven.
t Begunstegersbouk wordt joarlieks uutlangt aan leden van Toal en Taiken.
Genogd te beproaten dugt mie. Meer waiten  gewoon lustern tussen 10.00 u
en 11.00 u.

Wie Draaien:
Bert Hadders   mit   As Julia gait zingen
Grietje Ploeger   mit   ik mag die aibels geern
Titie Veen   mit   Mit kerst en old en nij
Krödde   mit   Prayer in G
Törf   mit   Wintertied
Marlene Bakker  mit   Heufd as helm
 


 

Chris Kiel met Hanny Diemer.
Chris
 langde t eerste exemploar uut aan Hanny.

 

Foto Toal en Taiken





 



Zundag 21 december in Toezeboudel   1354

In SnipSnapSnoaren n schier en bezunder kertsverhoal van Jan de Jong.
Ook n biedroage van Jan Siebo Uffen en de schierste kerstlaidje uut Grunnen.
Körtom weer n hail schier pergram, zo vlak veur kerstdoagen.
Prizzentoatsie Gerard Lunshof.

Wie draaien:

Irene Wilkens mit Midwinteroavend
Bert Hadders  mit Kerstfeest allain
Fiebeldekwinten mit Gold Wierook en Mirre 
Lianne Abeln mit  Kerstfeest
Hans van der Lijke mit Engeltje
Erwin de Vries mit Engel
Chris Ridenberg mit Laifmeneer







Zundag 14 december in Toezeboudel   1353

 

In SnipSnapSnoaren  n verhoal van Henk Puister. Wie proaten mit
Jan Henk de Groot, dij het zundagmiddag  in d' Galerie aan
d' Werfkade 16 n “Jan Henk de Groot ontmoet…..”. Doar willen wie
wat meer van waiten.   Ook hebben wie n Column van Henri  Wierth
mit d' naam “Nostalgie”.
Prizzentoatsie Gerard Lunshof.  

Meziek dat draaid wordt:
 
Swinder  mit Kerstmis in stad
Chris Ridenberg  mit  Moi stad
Kört Bestek  mit Mien Opa
Erwin de Vries  mit  Tussen Schaanse en Stad
Jan Henk de Groot  mit  Evelientje
Johan Raspe  mit Siene Praai


Swinder met Kerstmis in stad



Zundag 7 december  in Toezeboudel    1352

Wie proaten din soamen mit  Albert Jan Post over t schiere bouk dat gait over de
bewoningsgeschiedenis van Kropswolde en Wolfsbarge. t Bouk dat veurege week
bie  d’ bewoners, dij bie veurinschieven  besteld haren, op  deurmadde  valen  is.  
Gesprekstof genogd ducht mie.
In SnipSnapSnoaren n verhoal van Jan de Jong. En vanzulfm weer d’ schierste
laidjes in d’ streektoal.   Prizzentoatsie Gerard Lunshof.  
  

Laidjes dij voorbie kommen binnen:

Hans van der Lijke  met   As is As
Zuver Scheerwol  met  Piene in mien haart
Krödde  met  Daanzen in de regen
Fiebeldekwinten met Kropswoldermeulen
Alex Vissering   met  Zuudloardermeer
Swinder met Twijde Hans

 
Boek over de bewoningsgeschiedenis van Kropswolde en Wolfsbarge  
Een huis aan de Woldweg 
 




Zundag in Toezeboudel 30 november Meziek project CD AANSPOULD.  1351


Sunt is t leven haile slicht; Roel wil n CD, Broukster kiender willen
n nije schoul. Kwak baaident bie nkander en hest AANSPOULD.
n Biezunder meziek project. Hou t apmoal in nkander zit, Eddie Loonstra
komt der over proaten.  In SnipSnapSnoaren Tineke Boersema en
Henk Puister baaide mit n verhoal. Dus lu, nijschiereg, gewoon weer
afstemmen op Toezeboudel. 





Roel van der Zee     Aanspould  Link hier


Meziek dat wordt draaid:

Erwin de Vries  -  De tocht van de noakende zunderling
Harry Niehof - Tied genogd 
Roel van der Zee - Ien Istanboel  (project CD Aanspould)
Roel van der Zee - N360  (project CD Aanspould)
Krödde - Daansen in de regen




In Toezeboudel 23 November Theoater en Pervinzioale Schriefwedstried. 1350.


Wie proaten mit Ankie Bours van het Der Aa-Theater en din hebben
wie t over Grunneger Theoater Festival in stad, dat holden wordt op
zotterdag 29 en zundag 30 november.
  (30 november loater oaflast)
En op vrijdagoavond 21 november is de finoale van de 19e Pervinzioale
Schriefwedstried. De organisoatsie, het Huis van de Groninger Cultuur
en Stichting Grunneger Bouk..Der binnen weer hail wat schiere
inzendens binnenkomen en op vrijdag moakt de jury de 10 winnoars
bekend in Poëzie en Proza. Zangeres Marlene Bakker verzörgt dizze
oavend de muzekoale omliesten. Toezeboudel moakt, net as oaflopen joar,
opnoames en zel t zundagmörgen uutzenden tussen 10.00 uur en 11.00 uur.
Luustern dus.    


  
Prieswinnoars Schriefwedstried
Poëzie 18+
1e  Dreum, Annie Mekel
2e  Toscana, Berrus Spelde
3e  Dement, Ina de Raad
4e  Laif, Martin Roukes
5e  Op weg noar die, Willemien Mensinga

Proza 18+
1e  Riemke veur Kees Veen, Harm de Jonge
2e  Knienen, Trijnko Pelgim
3e  Oma, Harry Danhof
4e  Woarom die, Willem Friederich
5e  Mug, Bé Kuipers
 



Zundag 16 november in Toezeboudel 1349.

Soamen theoater moaken, joen telenten ontdekken en ontwikkeln. Bie  
waarktheoater Môi kin dat! Minsen mit n verstaandelke bepaarken dij t
schier vinden om theoater te moaken, zai binnen doar van haarten welkom!.
Zai binnen Zundag te gast in Toezeboudel. Ook komt laangs Jan Henk de
Groot. Hai is naauw verbonden bie t waarktheoater en zel ook proaten over
t concert van Harry Niehof dat zundagmirreg vanoaf 14.30 holden wordt aan
de Werfkade 16 op Maartenshouk. En in SnipSnapSnoaren zit schriever Henk
Puister mit n verhoal. Weer genogt om te luustern in Toezeboudel op de
zundag tussen 10.00uur en 11.00 uur. Prizzentoatsie Gerard Lunshof 

 

Link naar het werktheater moi   klik hier






t Was aibels gezelleg in de uutzenden. Mit Henk Puister, Annemiek Greven, Jan Henk de Groot en Gert Jan Kamst






Zundag 9 november in Toezeboudel 1348.

n Verhoal in SnipSnapSnoaren schreven en verteld deur Jan de Jong.
As gasten schoeven aan Irene Wilkens  en Sikkom Kult (Jaap Velema,
Arko Kok en Alex Schoenmaker. Irene het n Laidje van Bert Hadders
opnomen dat komt van zien leste CD de Boskloppertapes  " As Julio gait zingen ".
Doar zellen wie t over hebben en over t aander  waark  van Irene. Genogd te beproaten.
Ook draaien wie van Bert Hadders, van de Bosklopper tapes n old Suntmeertenlaidje.
Uutpebaaierd, uutest en zongen van "Ik zai n jonkie en n wichie" gaf n bulde meer slik. 
 

Prizzentoaties Gerard Lunshof.

link van t Suntmeertenlaidje  laidje: 

  

Arko Kok, Alex Schoenmaker, Irene Wilkens, Gerard Lunshof en Jaap Velema 





 

     


Zundag 2 november in Toezeboudel 1347.

Henk Puister en Tineke Boersema komen langes en lezen n aigen
schreven verhoal veur in SnipSnapSoaren. En komen Agnes Woltjes
en Chris Kleine langes. We hebben t din over  heur bijdroage aan
d’ Grunnegertoal. En vanzulfm hebben wie t over heur nijste singel,
“De zunne komt loater”dij kort leden uutkomen is. n Tekst van Sim
Noorhof, zongen deur Agnes en op meziek zet deur Chris.   
Prizzentoatsie Gerard Lunshof. Lustern zundag van 10.00u tot 11.00u.




 

Uutkomen 04-10-2014
Een mooie ballad in het Gronings. Tekst: Sim Noordhof,  
muziek en productie: Chris Kleine. 
Voor meer info kijk op: chriskleine.nl

 



Zundag  26 oktober in Toezeboudel.  1346

In SnipSnapSnoaren n verhoal schreven en verteld deur Jan de Jong.

We proaten mit Janny de Vries van t pergram Dieverdoatsie bie
Radio Westerwolde en wie wazzen bie t instore concert bie Evelyn Novacek.
Bert Hadders en de Nozems prizzentaaiern doar de CD "de Bosklopper tapes".
De cd is al n zetje uut, mor lu willen de CD veurstellen aan t pebliek.
En wie willen tevens waiten hou t der mit gait en woar lu zoaal mit
aanloop binnen. Dus gewoon lustern.

Harry Niehof  mit  Nait Allain
Krödde  mit Sloten Bouk
Erwin de Vries  mit De Dreum
Edwin Jongedijk mit Altied En Aiweg
Bert Hadders  mit  Vanoavend Blifst Bie Mie
The Askay Brothers  mit Dail dit mit mie

    

Gesprek Bert Hadders                                  Gesprek  Janny de Vries

Opnoamen gemoakt op 25-10-2014 instore bie Evelyn Novacek in Hoogezand tiedens de prizzentoatsie 
van heur nije CD "De Bosklopper tapes"! Titel : Lola!     Opmoames:  Fries Wolma.

 




Zundag  19 oktober in Toezeboudel.   1345

Henk Puister mit n nij schreven verhoal,   schreven veur Toezeboudel in t blokje
SnipSnapSnoaren . En hebben wie as gast Marlene Bakker. Marlene het vrijdag heur
nije CD prizzentaaierd  “Heufd as helm”. Wie goan t der over hebben en  loaten
natuurlek t laidje ook heuren loaten.  Zundag tussen 10.00 uur en 11.00 uur.
Woarbie, bie radio Komnij.
Prizzentoatsie Gerard Lunshof.   


 


In Toezeboudel van Zundag 12 oktober    1344

In SnipSnapSnoaren n verhoal van Jan de Jong. Deur hom zulfm schreven
en veurdroagen. Ook goan wie in t archief van Toezeboudel en komen wie 
bie Peter de Haan dij in 1991 t laidje LopsterToren toulicht het.  En verteld
Henrie Wierth n Colmn uut tiedschrift Toal en Taiken t verhoaltje "Nijmoods
winkeln". Dus lu gewoon zundag op toezeboudel.

 

Meziek wat wie draaien:
Hans van der Lijke - Aailand ien de aiveghaid
Harry Niehof - Tied genog
Glas, Scheer en Lass 
Troebadoers - Riekdom
Erwin de Vries - Wachten op de lente
Bert Hadders - t Is oorlog zee de Kaizer
Roelof van der Velde - n Poar seconden


 

  Peter de Haan



In Toezeboudel van Zundag 5 oktober    1343

In SnipSnapSnoaren komt Henk Puister veurbie mit n nij schreven verhoal
specioal schreven veur Toezeboudel.
As hoofdgast komt aanzitten  Sim Noorhof, geboren op 15 augustus 1947.
As bekende Grunneger goan wie ais even bieproaten wat e wel zoaal  
doan het. Van Laborant noar Journalist, radiomoaker en dirigent en laidjes
schriever. 20 joar het e t Piratenkoor Voorwaarts-Voorwaarts dirigeerd. Doar
is e nou mit stopt. Roner Singer is t ainege koor wat e nog het. Sim het t nou
weer drok mit laidjes schrieven veur de nije CD van Wia Buze. Körtom genogd
te beproaten. Gewoon oafstemmen zundag tussen 10.00 uur en 11.00 uur.  
Prizzentoatsie Gerard Lunshof.  


Sim Noordhof                               foto Anita Meis






 Uutkomen  04-10- 2014 Edwin Jongedijk Alex Vissering en Jan Henk de Groot

 






In Toezeboudel  van  28 september   1342

Wie raaizden zotterdagmirreg oaf noar Veendam. Wat was doar te doun? 
Stichten Bogdike organizaaierde op zotterdag 27 september 2014 veur
de twijde moal n streektoalmanifestoatsie mit verschaaiden bekende Grunnegers. 
Der binne in t haart van Veendam nog n bulde leegstoande winkelpanden. 
Bogdike ging op 27 september n groot aantal van dizze panden vullen mit 
muzikanten, verhoalenvertellers en dichters. 
Willen ie meer waiten, kiek even op dizze site:  Klik
hier

Lu dij aan dij dag  mitwaarkden bennen:  
Bert Hadders, Veendam, Irene Wilkens met Sikkom Kult, Martin Korthuis,
Rieks Folgerts, Herman Sandman en Meindert Talma, Erik Hulsegge,
Henk Puister, Harrie Niehof , Alex Staal en Laurens Schreuder e.v.a.

Konst der nait bie wezen, din zundag luster goan tussen 10.00 en 11.00 uur.
Of uutzenden mist. 

Prizzentoatsie Gerard Lunshof


Diverse lu dij mitwaarken in Veendam.


Even proaten mit Bert Hadders. Meer foto's Hier




In Toezeboudel van  21 september  1341.

In Snipsnapsnoaren n verhoal van Henk Puister  uut d'  riege “Terug mit pa noar vrouger”
en Tineke Boersema het t slim stoer had om n verhoal te schrieven over de dood van heur
kadde “Ol Berend”.  Ook komt aanschoeven  Roelof van der Velde mit zien nijste laidje
“n Poar Seconden”.  En de veraanderns dij der  veur hom aankomen.  Körtom, weer genogt
om te lustern zundag tussen 10.00 uur en 11.00 uur.   
Prizzentoatsie Gerard Lunshof.

Meziek:

Erwin de Vries mit Dicht Tegen Mie Aan
Askay Brothers   mit  Geluk Is Nait Te Koop
Tekielja  mit Margarita    
Roelof van der Velde mit n Poar Seconden 
Arnold Veerman mit Mien Lutje Laif 
Wia Buze mit  Ik Ben Ik


Hoes nije singel.





In Toezeboudel van 14 september. 1340

In SnipSnapSnoaren n verhoal van Jan de Jong.
Gerard proat mit Harm Jan Frese. n Man dij elke weke wel n moal in “de Groninger archieven”
in  stad is te vinden, om t ain en ander aan de wait  te komen  van  Kiel Windeweer.  Hai wait
din ook n bulde van t dörp vandoar dat Gerard hom opzocht het. Ook in t pergram  n Column
van Henrie Wierth.  Prizzentoatsie Gerard Lunshof.  Meer waiten.  

Muziek dat wie draaien:

Arnold Veeman met Aarf dit laidje van mie.
Swinder met Annemarie
Hans van der Lijke met Hou riek is mien laand
Johan Raspe met Siene Praai
Jan Henk de Groot met Kielsterachterweg.
Boetenbaaintjes  met Raaiger 



Kiel Windeweer

 


In Toezeboudel van zundag 7 september  1339.

In SnipSnapSnoaren hebben wie Henk Puister mit weer ain van zien schiere verhoalen.
En wie bennen zotterdagmirreg noar de Meint Veningastroade en wel noar Evelyn Novacek
west.  Doar  was n Instore concert dij geven  wui deur  Harry Niehof.  Dit omreden dat zien  
nije CD “Twijduustern”  uutkomen is. Wie proaten vanzulfm  met Harry en loaten ook zien
laifhebbers  aan t woord. Ook draaien wie enkele nummers van de CD.  

Dit apmoal vanzulfm tussen 10.00u en 11.00u. Prizzentoatsie  Gerard Lunshof.

Laidjes dij veurbie komen binnen:

Vandoage met Vandoage
Glas, Scheel  en  Las met  Dien bliede lach
Tineke Rouw  Met Doe binst de laifste
Harry Niehof met  Bie t Wotter  
Harry Niehof met  Ver  van Huus
Harry Niehof  met  Tied Genog


www.harryniehof.nl 





In Toezeboudel zundag 31 augustus  uutzenden 1338.

As gasten komen aan Jan de Jong dij weer n verhoal
schreven het veur t blokje SnipSnapSnoaren.
En Fieke Gosselaar schoeft aan. Fieke (1982) is  
strafrechtjuriste bie de rechtbaanke Noord-Nederland.
Heur waark inspireerde heur tot  t schrieven van Tussen de anderen.
Gosselaar verzörgt wekelieks n radiocolumn veur RTV Noord.
In 2013 verscheen heur Grunnegs poëziedebuut, Nova Zembla.  
Wie hebben t bienoam over t Grunnegs vanzulfm.

 

Meziek dat wie draaien

Linde Nijland mit "Wachten"
Erwin de Vries mit "De tocht van de noakende zunderling" 
Marlene Bakker mit  "Wondern van mie stee"
Swinder mit “Op fietse noar stad”
Hans van der Lijke mit “Oet doun dij schounen”
Edwin Jongedijk mit “Nait zoas t was”

Prizzentoatzie Gerard Lunshof

  
Fieke Gosselaar                            Jan de Jong


Fieke Gosselaar-Henk Puister-Gerard Lunshof-Jan de Jong
Mitwaarkers uutzenden.







In Toezeboudel zundag 24 augustus  uutzenden 1337.

In Snipsnapsnoaren Henk Puister mit n vekaanzie verhoal.
Ook komt aan Henri Wierth din proaten wie over Toal en Taiken en
hebben wie t over t Grunnegs in t algemain. En leest e twij van zien
columns veur, dij e schrift veur toal en taiken. Dat leste gait e wat
voaker doun in Toezeboudel.

Meziek dat draaid wordt:
Jan Henk de Groot mit "Janneke"
Swinder mit "Twijde Hans"
Fiebeldkwinten mit "Kamperen"
Martin Korthuis mit "Cafe biljart"



Henrie Wierth en Henk Puister
 







13 Juli Verhoal Henk Puister en Dolf Houwing
20 Juli Verhoal Tineke Boersema en Dolf Houwing
27 Juli Verhoal Jan de Jong en Dolf Houwing
03 Augustus Verhoal Henk Puister en Dolf Houwing
10 Augustus Verhoal Tineke Boesema en Dolf Houwing
17 Augustus Verhoal Jan de Jong en Dolf Houwing

 

Tiedens de uutzendens vanzulfm de schierste laidjes.
Gewoon veur joen tende of sleurkwinne of gewoon lekker thuus
hier op oafstemmen. Ook  terugge lustern.
Toezeboudel winst joe n schiere vekaansie.  


In Toezeboudel  zundag  6 Juli  1330

Verhoalen in SnipSnapSnoaren deur Henk Puister en Tineke Boersema.
Nog n poar weke  din is e
  der weer:   t Zummer femiliefestival
Art Carnivale striekt din dele aan d’oevers van t Schildmeer in Steendam 
en wel van 18 t/m 20 juli 2014. Wie proaten der over mit Jan Hesseling en /of
Henske Teunissen.  En wie hebben vanzulm weer de schierste streektoallaidjes.
Dus weer n reden om te luustern. Meer waiten
www.toezeboudel.info
Prizzentoatsie Gerard Lunshof.


Meer weten www.artcarnivale.nl/



In Toezeboudel van zundag 29 juni 2014   1329

Din hebben wie t over t Lokoatsie Theoater. Mit n bulde vrijwillegers 
uut onze gemaainte. Wie hebben t din bienoam over "de W.A. Scholten". 
Uutvoeren is van  25 tot 29 juni 
bie Parker Hannifin Fultonweg 2.
Wie bennen der west en hebben opnoames moakt.
Wie loaten joe gedaailtes heuren uut stuk en proaten mit 
speulers
en lu dij t stuk zain hebben.
Opnoames  binnen moakt en prachteg worden. Dus lu, wel even lustern.
Prizzentoasie Gerard Lunshof.



Foto,s binnen van Ine Timmerman


In Toezeboudel van zundag 22 juni 2014   1328

In SnipSnapSnoaren een verhoal van Henk Puister.
As gast hebben wie Herman Sandman. Hai is Schriever,
Columnist  en Verslaggever .  Hai is net terugge van Oerol.
Doar leverde hai n biedroage soamen mit Meindert Talma.
Der binnen  veschaiden bouken van hom verschenen.
O.a. “De laatste bus naar Slochteren” en “De Lange leegte”.
Zien nijste bouk (roman) "FC Hopeloos" is nog mor net uut.
Genog te beproaten. Meer waiten, lustern goan.
Of
www.toezeboudel.info  Prizzentoatsie Gerard Lunshof. 

Meziek dat draaid wordt:
De Heleboel mit  De Polder
Harry Niehof mit Susanne
Alex Vissering mit De Groanrepubliek
Martin Korthuis mit Krougproat
Sijtse Scheeringa mit Achter op solex





Herman Sandman



In Toezeboudel van 15 juni 1327

In SnipsnapSsnoaren n verhoal van Tineke Boersema deur heur zulfm
schreven en veurdroagen.
Wieder binnen wie oafraisd noar de SRV Camping de Rolke. Dizze Camping
stait aan de Woldweg in Kropswolde, stoef bie t Zuudloardermeer  en doar
proaten wie mit Janneke  Nieboer.
Ook proaten wie mit campinggast de heer Jacob van de Berg uut Fraislaand.
Meer waiten gewoon lustern tussen 10.00  uur en 11.00 uur of Uutzenden mist.

Meziek dat wie draaien:
Jan Henk de Groot  - Wies mit die
Edwin Jongedijk -  Nog laank nait doan
Hans van der Lijk - Ringo de reus
Will Stevens - Schreven in n boom
Alex Vissering - Zuudloardermeer
Krödde - Zunneschien
Harrie Niehof - Straks is t weer janken


Gerard in gesprek mit Janneke Nieboer.









Zundag  8 Juni in Toezeboudel   1326

In SnipSnapSnoar hebben wie n nij verhoal van Henk Puister.
As gasten hebben wie twij minsen uut Hogezaand en wel
de vraauwlu Moniek Vegter en Harma de Lange. Zai binnen d’mit
aanpitjerders van t stroatfeest dat holden wordt op zotterdag
14 juni. Ook zuiken ze n noam veur de nij buurtverainen dij der
komen gait. Willen joe der ales van waiten, din luuster tussen
10.00 uur en 11.00 uur. Prizzentoatsie  Gerard Lunshof.

Meziek wat veurbie komt:
Roelof van der Velde - Vriendin
Erwin de Vries mit -  Ooit
Johan Raspe - k Goa mien aigen weg
Martin Korthuis  -  Over stad
Glas, Scheele en Lass – Laiverd kom weer bie mie
Edwin Jongedijk – t Komt goud




Moi Lu. Wie moaken der weer n gezelleg pegram van!


Moniek Vegter en Harma de Lange.







Zundag 01 Juni Toezeboudel uutzenden 1325

In TOEZEBOUDEL zundag van 10.00 uur en 11.00 uur.
In SnipSnapSnoaren  n verhoal van Hans van der Lijke.
As gast hebben wie ChrisKleine. n Man al joaren anloop mit meziek.
Toetsenist bie Wia Buze, Agnes Woltjes en Titi Veen. Speult doarnoast in
de Bob Kelly Band. Wat Chris nog meer dut komt e apmoal vertellen.
Meer waiten toezeboudel.info    Prizzentoatsie Gerard Lunshof

 

Muziek o.a.
Törf met Mien Opa
Erwin de Vries met Noakend
Hans van der Lijke met Hou riek is mien Laand
Agnes WoltjesPabbe Arg. Chris Kleine   





Chris Kleine








Zundag 25 maai in Toezeboudel uutzenden 1324

In SnipSnapSnoaren  Henk Puister mit n verhoal deur hom
schreven en veurdroagen.
Op zoaterdagmiddag om 14:00 zel Erwin de Vries soamen mit
zien band laidjes heuren loaten van  de nijste CD “De Tocht van
de Noakende Zunderling” in de cd /dvd specioalzoak Evelyn Novacek
op t Hogezand. Wie van Toezeboudel binnen der bie en zellen joe dat
zundag heuren loaten.
Prizzentoatsie Gerard Lunshof

Wieder te heuren:
Vandoage  -  Zummer  
Krödde – Zunneschien (Nij)
Alje van Bolhuis – Ik hol van die
De Zoadels – Trijnie op de fietse (Nij)
Zuverscheerwol – Pien in mien haart
Erwin de Vries – Merel (Nije CD)





Opnoames Lia Venema Wolbrink.
 



Zundag 18 maai in Toezeboudel uutzenden 1323

n Verhoal van Dolf Houwing mit “Partie”.  
Oaflopen dinsdag 6 maai is Gerard Lunshof oafraisd noar 
de Boerderij van boer Edzes. Doar was t Lokoatsie theoater
van d' Wottervloot aan t repetaaiern veur “De W.A. Scholten”.
Das n theoater stuk wat lu vief moal opvoeren goan en wel van
25 juni t/m 29 juni bie Parker Hannifin Fultonweg 2
op t Hogezaand.  t Stuk  is schreven deur Nico van der Wijk. 

Meziek dat wie draaien:
Krödde – Daansen in de regen
Askay Brothers – Kom terug
Hans van der Lijke – t Laand van Heu en stro
Ede Staal – Doar bluit mien eerappellaand
Erwin de Vries  - Ik kom weer (Wottervloot 2008)

 

    
                                                                              Gerard met dhr. Rob Engelsman.  (Foto Maarije van der Heide) 

 


Zundag 11 maai in Toezeboudel uutzenden 1322


n Verhoal in Snipsnapsnoaren n verhoal schreven en verteld
deur Henk Puister.
t Begon mit laidjes van Ede Staal, mor t klonk zo goud, dat 
zai zulfm aan t schrieven goan is. En din hebben wie t over Marlene Bakker.
Zai is zundag gast in t pergram. Zai zingt, vanzulfm, din ook wat laidjes.  
Meziek dij wie draaien:
Zuver Scheerwold - Piene in mien haart
Swinder - Annemarie 
Marlene Bakker - Verschaaiden laidjes 



Henk Puister, Marlene Bakker, Daan Jansen en Gerard Lunshof

 



Zundag 4 maai in Toezeboudel   uutzenden 1321

n Verhoal in Snipsnapsnoaren deur Jan de Jong.
t Is zundag vaar maai dus stoan wie stil bie aal
dij lu dij in de twijde wereldoorlog  uuttied komen binnen.
Vandoar dat wie ook n verhoal hebben dij zok ofspeulde
in de twijde wereldoorlog. t Verhoal dat 25 joar leden
deur Kees Visscher schreven en verteld is hait “Postzegels”.
Meziek draaien wie van:
Hans van der Lijke – Wadwerderweg
Harry Niehof – Zeg mie woar binst doe
Arnold Veeman – Mien Grunnegerlaand
Törf – Paradieske
Alex Vissering – In t laand van voelwottergoaten
Martin Korthuis – Ziel
Prizzentoatsie Gerard Lunshof


Kees Visscher




Zundag 27 april in Toezeboudel   uutzenden 1320

n Verhoal in Snipsnapsnoaren deur Henk Puister.
Wieder is de uutzenden opnomen oaflopen dunderdag
in t Kielzog. Dou was doar n bieainkomst “De kracht van
Cultureel Hoogezaand-Sappemeer” haar e mit kregen.
Doar hebben wie proat mit lu dij drok anloop binnen
mit cultureleactiviteiten. Lu dij d’kop sikkom  boven
 t wotter holden kinnen. Dit omreden t beknibbeln deur  
d’overhaid. Beslist t lustern weerd. Meziek dij wie draaien:
Daniel Lohues - Prachteg mooie dag
Hans van der Lijke - As de laifde noar mie laagt
Jan Glas  - Papieren moan 
Evergreen - t Kefe van Ol Lain
Linde Nijland - Wachten  

Techniek Ben van der Loan Prizzentoasie Gerard Lunshof.


Henk Puister




Zundag  20 april in Toezeboudel

n Verhoal in SnipSnapSnoaren, schreven en verteld deur Jan de Jong.
Wie proaten mit Alie Stoffers, zai zit in d’organisoatsie van de Tuin en
Lifestyle Fair rondom de Freaylemabörg dij 2e poaskedag holden wordt en
woar wie over proaten goan.  Ook is zai bestuurslid van Groei en Bloei
van de gemeente H-S. 
En het zai De Tuinerie aan de Vrouwenlaan in Kolham
En jawel lu wie binnen gustern west bie Evelien Novacek. Doar was n Record-
storeday.En doar hebben wie opnoames moakt. Wie draaien Harry Niehof - Swaade
wolken, Swinder - Noar stad, Edwin Jongedijk - t Komt goud, Bert Hadders - De
Poolse bruid, Jan Henk de Groot - EVELYNTJE, Bert Ridderbos, Linde
Nijland - Knoalster Lorelij.
Dus lu n goie reden om te lustern. Prizzentoatsie Gerard Lunshof


Tuin en Lifestyle Fair rondom de Freaylemabörg 


Record storeday




In Toezeboudel van 13 april uutzenden 1318
Tineke Boersema en Henk Puister baaide mit n verhoal in SNIPSNAPSNOAREN.
Wie proaten mit Grietje Rijkens en Meintje van der Ark en din hebben wie t over de
tenailverainen Kolham. En wie draaien weer de schierste laidjes. Veurbie
komen: De meziekploug Törf ”De Nijslezer”, Alex Vissering “Zuudloardermeer”, Askay
Brothers “Dreum van twij Bruiers”, Hans ten Have “Steurzender”, Wia Buze en Erwin de
Vries soamen mit “Ol Grait” en Martin Korthuis “Eullieresten / rubber en regen”.
Körtom weer n reden op te lustern.  Apmoal tussen 10.00 uur en 11.00 uur.
Prizzentoatsie Gerard Lunshof


Speulers Tenailverainen




Op zundag 6 april in Toezeboudel oaflevern 1317



In SNIPSNAPSNOAREN n verhoal schreven en veurdroagen deur  Jan de Jong. 
Wie proaten mit Ankie Bours van de Grunnegersproak, zai speulen 11 en 12 april t stuk
"Tot t nut van t algemain".   Heur webstee: www.degrunnegersproak.com

 

 

Wie hebben as hoofdgast Free Westerhoff. Free komt uut stad en verzoamelt ales wat mit
Ede Staal van doun het. Ook het e as hobby filmen, scheuvellopen en meziek moaken.
Mor wie hebben t bienoam over Ede. Webstee Free westerhoff:  www.freewesterhoff.nl
Ook draaien wie vanzulfm laidjes van Ede. En komen verschaiden aandere schiere
laidjes veurbie o.a. Askay Brothers, Boetenbaintjes,  Marlene Bakker e.a.
Dus lu, gewoon oafstemmen op Toezeboudel tussen 10.00 uur en 11.00 uur. 
Prizzentoatsie Gerard Lunshof.

 
Jan de Jong                                                Free Westerhoff 


Op zundag 30 meert in Toezeboudel oaflevern 1316
 

In Snipsnapsnoaren Henk Puister mit weer n aigen schreven verhoal.
Wie goan proaten mit Henri Wierth, schriever, vertellen, schrift onder andern
in Toalen en Taiken en is doar ook nog midwaarker.  Wieder al joaren n kenner
van wat zok zoal op t Grunnegerlaand in t Grunnegs bezeg holdt en is e
regelmoateg  in t huus van de Grunnegercultuur in Scheemde te vinden.
Dus lu, genogd om mit hom over te proaten. Ook draaien wie weer de schierste
laidjes. Zo zellen wie veurbie komen loaten:Jan Henk de Groot (liekoet) live, Askay
Breurs, Martin Korthuis, Jan Glas en aandern. Luster ankomen zundag tussen
10.00 uur en 11.00 uur. Prizzentoatsie  Gerard Lunshof.

 
Henri Wierth                                              foto 30-03-2014






Zundag 23 meert  in Toezeboudel  oaflevern  1315

In t oldste Grunneger Pergram Toezeboudel,  woar t altied meertmoand dialect moand
is, in “Snipsnapsnoaren”  n verhoal van Jan de Jong. Wie proaten mit tekstschriever
en meziekmoaker Roelof van der Velde. Hai schrift t aine schiere nummer noar t aander.
Ook hebben wie “Stroatproat”  en der is n verhoal van Luuk Houwing 
in “Heubultjeburen”.  En vanzulfm draaien wie weer de schierste laidjes. Körtom n schier
vol pergram. Dus lu, gewoon oafstemmen  en dat tussen 10.00 uur en 11.00 uur.
Prizzentoatsie Gerard Lunshof.
  
Jan de Jong                          Luuk Houwing                     Roelof van der Velde





In Toezeboudel van 16 meert    1314

Meertmoand is dialectmoand. 15 meert is viefde Dag van de Grunneger Toal in
de Groninger Archieven in Stad van 11:00-16:00 uur. De dag is n soamenwaarken
tussen Het Huis van de Groninger Cultuur mit t RHC Groninger Archieven, Biblionet
Groningen, Bureau Groninger Taal en Cultuur (RUG) en Stichting t Grunneger Bouk.
Tiedens de dag kinnen bezuikers kennismoaken mit ale facetten van de Grunneger
toal (onderwies, tenail, muziek, cabaret, literatuur, media etc). Wie van Toezeboudel
moaken opnoames en zellen joe dat heuren loaten.
In Snipsnapsnoaren schoeft Henk Puister weer aan om ain van zien verhoalen heuren
te loaten. En wie draaien weer schiere laidjes. Dus wie proaten oaf dat joe lustern goan.
Prizzentoatsie Gerard Lunshof.

    Veur Foto's   15-03-2014

Cascadeplein 4







In Toezeboudel van 9 meert.    1313
In SnipSnapSnoaren n verhoal van Jan de Jong. n Verhoal deur hom zulfm
schreven en veurdroagen. En wie proaten mit Eline Brontsema zai is de nije
Streektaalfunctionoares veur de Grunnegertoal.Vanzulfm is der n bulde te
beproaten, omreden in de voutsporen treden van Simon Reker nait niks is.
Wieder hebben wie n verhoal van Kees Visscher. En wie draaien O.A. Törf,
Hans van der Lijke, Lianne Abeln, Arnold Veeman en Linde Nijland. Kortom
weer n goie reden om zundagmörgen tussen 10.00u en 11.00u of te stemmen
op Toezeboudel bie radio Komnij.  Meer waiten en of lustern:
www.toezeboudel.info  
Prizzentoatsie Gerard Lunshof.

             
Eline Brontsema            Jan de Jong
(Foto Rijksuniversiteit Groningen) 



Midwaarkers uutzenden  Henk Puister, Grietje Ploeger, Gerard Lunshof
en Eline Brontsema. Verhoal Jan de Jong nait op foto
.


Zai komt ook Grietje Ploeger. n Verrassen. Veur de grap inzongen, mor n pracht stem. (Org. Wia Buze)

Zundag 2 meert in Toezeboudel           1312.

Henk Puister mit n  verhoal uut aigen haand in SNIPSNAPSNOAREN.
Ook proaten wie mit Theo Bargerbos. Wiehebben t din over de op 8 meert holden
noorder gitaar dag.   Dizze wordt veur de vaarde keer holden in Zuudbrouk.
En wie proaten mit Hans van der Lijke. Hai het oaflopen weke te heuren kregen
dat e “de Kneles  ter Loan pries” wonnen het.  En wie draaien schiere muziek: O.A. vanzulfm
Hans van der Lijke,  Vandoage en  Fries Wolma en aandern lu. Dus lu, gewoon oafstemmen
Zundag op Toezeboudel op Radio Komnij van 10.00 tot 11.00 uur.
Prizzentoatsie Gerard Lunshof. Meer waiten of lustern  
www.toezeboudel.info   


     
Henk Puister                                                                  Theo Bargerbos


Hans van der Lijke. Winnoar Kneles ter Loan pries 2013

Om meer te waiten over Hans en zien pries    www.hansvanderlijke.nl 










Zundag 23 februoarie in t oldste Grunneger radiopergram Toezeboudel    1311
Tineke Boersema komt langes in SnipSnapSnoaren mit  n verhoal deur
heur zulm schreven en veurdroagen. Ook proaten wie mit Wia Buze.
Zai is weer mit zukse schiere dingen aanloop, vandoar dat wie heur
weer ais n moal neugd hebben om ais gezelleg mit heur te proaten.
Luuk Houwing het weer n verhoal uut d’serie “Heubultjeburen.
En der komen weer schiere laidje veurbie. O.A. van Wia Buze, Marlene
Bakker, Askay Brothers en Bert Hadders. Dus lu, gewoon weer lustern
tussen 10.00 uur en 11.00 uur.
Prizzentoasie Gerard Lunshof.  

        
Tineke Boersema                                   Wia Buze                         Luuk Houwing 

Site Wia Buze HIER





 

Zundag 16 februoarie  in Toezeboudel    uutzenden 1310
Henk Puister hebben wie weer in SnipSnapSnoaren mit n pracht verhoal en deur
hom schreven en veurdroagen. Ook komt langes de tenailverainen “de Eendagsvliegen” .
Zai speulen dizze moanden “Slipjacht” n klucht in drij bedrieven. Schreven deur
Jozef Zeilster en omtoald deur Henk Karsten. n Poar  speulers komen veurbie,
o.a. Geert Siegers en Arnold Nijborg. Meziek dat wie draaien is van de meziekploug Krödde,
Arnold Veeman,  Vandoage, Törf en Zuverscheerwol.
Dus lu, gewoon oafstemmen op Toezeboudel tussen 10.00 uur en 11.00 uur.
Prizzentoatsie Gerard Lunshof. 


De Eendagsvliegen  Link naar website

 





Toezeboudel zundag 9 februarie   1309

Zundag in t oldste Grunnegerpergrammoa Toezeboudel  9 februoarie   1309
Zundag 9 februoarie hebben wie in SnipSnapSnoaren Jan de Jong. Hai het veur
Toal en Taiken en veur t tiedschrift Krödde menneg verhoalen en gedichten
schreven.  Wieder hebben wie, as gast, Carst Buissing van t Goov Muziektheater.
En de schriever van t stuk, "Aletta de Musical" Jan Veldman. Wie hebben t din
over, hou zukswat apmoal tot stand komen is en hou t apmoal verlopt van t
begun tot uutvoeren. Dus lu, wie hebben n bulde te beproaten. Wieder loaten
wie schiere grunnegerlaidjes veurbie komen  o.a. vanzulfm  Johan Raspe mit  
"Aletta Jacobs" en Jan Veldman mit "Op nust".
Gewoon lustern zundag tuusen 10.00u en 11.00u .
Prizzentoatsie Gerard Lunshof.   Dit apmoal bie radio Komnij. (Compagnie)
op t Hogezaand en Sapmeer. Woar aans!

 

   
Poster Aletta de musical Link      Schriever Jan VeldmanLink         Jan de Jong leest verhoalen 







Zundag 2 februoarie  in Toezeboudel         1308
Veur SnipSnapSnoaren schoeft Henk Puister weer aan mit n aigen verhoal.
Wieder aandacht veur d’ Tenailverainen Con Amore. Jan Kremer en   Fred
Hulsing komen proaten over t stuk “ Niks is wat t liekt” n kluchteg bliedspultje
schreven deur Andre Tol en Astrid Baijs.  Zotterdag  8 februaorie en zotterdag
15 februoarie wordt e opvoerd in hotel Faber.
Ook komt veurbie n opnoame uut 25 joar Toezeboudel. En wie draaien
vanzulm weer schiere meziek mit o.a. De meziekploug Törf, Edwin Jongedijk,
Hans van der Lijke en Erwin de Vries. Dus lu zundag gewoon lustern noar 
Toezeboudel bie Radio Komnij tussen 10.00 uur en 11.00 uur.
Prizzentoatsie Gerard Lunshof. 



http://www.toneelverenigingconamore.nl  

Rolverdeling:

Trijntje Overbeek - bazige eigenaresse Hotel/Café - Lenie Kuipers
Lotte Overbeek - haar meer dan luie dochter - Suzanne Haks
Arnold Koopmans - een bezorgde vader - Jan Kuper
Joke van Troje-Koopmans- zijn onderdanige dochter - Jeanette Ringers
Berthram van Troje zijn - hooghartige schoonzoon - Fred Hulsing
Margretha Buismans - vriendin van Arnold - Anneke Palland
Dirk Buismans - zoon van Margretha - Erik Kol
Celia Buismans- Grutjes - zijn bazige vrouw - Henriëtte Edens
Jopie de Blinkert - postbode - Pitrik Otten
Mr. B. Achterberg - notaris - Jan Kremer

Regie: Bé van der Tuuk
Grime: Reina Kol en Henriëtte Edens
Souffleuse: Reina Kol
Decor: Lammert Schothorst en Joop van der Tuuk
Aankleding: gezamenlijk


Voldoan noa n goie uutzenden. Schriever Henk Puister
en Prizzentator Gerard Lunshof. Zunder wien. 





 



Zundag 26 jannewaorie  in Toezeboudel   1307

In SnipSnapSnoaren schoeft Tineke Boersema weer achter de microfoon en dracht t verhoal  “Snert” veur.
Wieder komen lu van d’operetteverainen  “Pro Burletta” proaten over de uutvoeren “
Eine Nacht in Venedig!
dij ze opvoeren op 8 en 9 meert in t Kielzog.  Ook proaten we mit Arnold Veeman. Hai het  zotterdag 1 februoarie
in de Oosterpoort zien aller eerste uutvoeren van  “t Vuur” mit de prizzentoatsie van zien nije en gelieknoamege CD.
En komen der vanzulfm weer de mooiste streektoal laidjes veurbie. Dus lu, de moute weerd om zundag
tussen 10.00 uur en 11.00 uur te lustern.  Prizzentoatsie Gerard Lunshof.


  
Noar zien webstee                                                                    Noar heur webstee




 

Zundag 19 jannewoarie  in Toezeboudel uutzenden 1306

Vanzulm komt veurbie Snipsnapsnoaren. Dizze raaize  mit Henk Puister.
Hai leest  n verhoal veur uut d riege “Mit pa weerom noar vrouger”.
Wieder proatik mit Theo Guns, de man van t allereerste uur van de
huusomroup in vezörgenshuus “Sint Jozef, loater B.O.H.S en weer loater
Radio Komnij. Theo was d eerste dij mit Joop Martin begonnen is mit radio
moaken in Hogezaand-Sapmeer. Doar paast vanzulfm ook n fragment bie
uut 25 joar Toezeboudel.  En wie draaien vanzulfm weer schiere meziek.
Veurbie komen o.a.  Marlene Bakker, Hans van der Lijke, de meziekploug Krödde
en  Jan Henk de Groot. Dus lu, zundag gewoon even lustern.
Prizzentoatsie Gerard Lunshof.


 
Theo Guns.


Veur wat heurt wat

                                                    
Wat gaait der boven t gulle volk van Grunnen?            
Zunder gezoes waiten wie van gas geven.
Grunnegers zollen beloond worden mouten.
Woarom leven wie din in angst en beven? 

Gedicht Henk Puister. Veurdroagen tiedens dizze uutzenden.


  



In Toezeboudel 12 jannewoarie uutzenden 1305

 
In SnipSnapSnoaren aine uut t archief 25 joar Toezeboudel. Waiten
wel joe t verhoal leverd, gewoon even lustern.
Zundag 19 jannewoarie 2014 geft t jeugdkoor
“Mienlaivetied” n nijjoarsconcert in de Fraeylemabörg.
t Begunt om 13.30 uur, t is oflopen om plm. om 16.30 uur.
Vandoar dat wie lu van t koor nuigd hebben om der
over te proaten.  En wie bennen op de nijjoarsveziede
van stichten Grunnegerbouk, mit as gast Edwin Jongedijk,
dat holden wordt op 11 jannewoarie in Hotel Faber.
Wie zellen joe heuren loaten hou of t was. Ook draaien wie      
Noar foto's nijjoarsveziede
vanzulfm weer de schierste Grunnegerlaidjes.


Mienlaivetied cd hoes (cd mit ook Grunnegerlaidjes)

 


Toezeboudel zundag 5 jannewoarie

In t nije joar, dij veur joe goud verlopen mag, gait
Toezeboudel gewoon deur.In t eerste pergram van
t joar  in SnipSnapSnoaren  Henk Puister mit n biedroage.
n Verhoal van Henrie Wierth aine uut 1992 de Sprong
van n dominee. En Jantje Doalder enAlie Viefje n heurspultje
uut t archief van Toezeboudel  speuld deur Anneke Palland
en Grietje Bakema “Meubels”.

En meziek van o.a. Arnold Veeman mit oafslag Paiderboeren, 
Henk Scholte, Bert Ridderbos en
Linde Nijland mit de Knoalster Lorelei en vanzulfm nog veul meer.
Gewoon lustern zundag tussen 10.00 en 11.00 uur. 

Henk Scholte, Bert Ridderbos en Linde Nijland







 


 r

Uutzendens 2018Uutzendens 2017Uutzendens 2016Uutzendens 2015Uutzendens 2014 ThuusbladContactGrunnegs in het noordenFotoboukLeste Nijs